Agu­ero um brott­för Messi hjá Bar­ca: Hélt að þetta væri grín

Agu­ero samdi við Barcelona á frjálsri sölu frá Manchester City eftir að samningur hans við City rann út. Helsta hvöt Agu­ero fyrir því að semja við Barcelona á lakari kjörum en það sem hann fékk hjá City, var að spila með vini sínum til margra ára, stór­stjörnunni Lionel Messi.

Bæði Agu­ero og Messi spiluðu saman hjá argentínska lands­liðinu en Agu­ero vildi fá að spila með Messi í fé­lags­liði áður en skórnir færu á hilluna.

Agu­ero opnaði sig um það hvernig hann komst að því að Messi væri að yfir­gefa Barcelona í við­tali við blaða­manninn Jose Al­varez.

„Ég var með fé­laga mínum sem er í símanum sínum en horfir skyndi­lega á mig og spyr mig hvort þetta sé grín. Þá sýnir hann mér mynd af til­kynningu Barcelona. Ég var viss um að ein­hver hafi brotist inn á að­gang Bar­ca á sam­fé­lags­miðlum. Ég hélt að þetta væri ein­hvers­konar grín,“ sagði Agu­ero.

Þá var til­kynnt um að Messi hafi yfir­gefið Barcelona vegna fjár­hags­örðug­leika spænska liðsins en síðar gekk Messi til liðs við Paris Saint-Germain. Sú til­kynning kom ekki einungis Agu­ero í opna skjöldu, heldur einnig öllum knatt­spyrnu­heiminum.

Agu­ero náði því aldrei að leika með sama fé­lags­liði og Messi. Þegar allt kom til alls var ferill Agu­ero hjá Barcelona stuttur þar sem hann lék einungis fimm leiki fyrir fé­lagið vegna hjart­sláttar­truflana sem urðu til þess að leik­maðurinn varð leggja skónna á hilluna, fyrr en á­ætlað var.