Dagskráin í dag: Breiðablik og Víkingur spila fyrri leiki sína

Íþróttaáhugamenn geta byrjað sófadaginn með því að stilla á útsendingu Stöðvar 2 Golf frá AIG Women's 2022 sem hefst klukkan 10.00. 

Byrjað verður svo að sýna frá Cazoo Open, sem er hluti af DP World Tour, á Stöð 2 Sport 4 klukkan 13.25. PGA-mótið Wyndham Championship er svo á dagskrá frá klukkan 18.00. 

Þá byrjar veislan í Bestu deild kvenna í fótbolta með leik Selfoss og ÍBV en útsending frá þeim leik byrjar á Stöð 2 Sport 2 klukkan 17.20. Skömmu síðar fer í gang útsending frá viðureign Vals og Þórs/KA á Bestu deildar rásinni. 

KR og Stjarnan leiða svo saman hesta sína klukkan 19.15 en sá leikur verður sýndur á hliðarrás Bestu deildarinnar númer 2. 

Breiðablik fær Istanbul Basaksehir í heimsókn og Víkingur tekur á móti Lech Poznan í þriðju umferð í undankeppni Sambandsdeildar Evrópu í fótbolta karla. Leikurinn í Kópavoginum verður á Stöð 2 Sport og rimman í Fossvoginum á Stöð 2 Sport 4. Upphitun fyrir þessa leiki sem hefjast klukkan 18.45 hefst klukkan 18.20. 

Leikjum kvöldsins verður svo gerð skil í uppgjörsþætti á Stöð 2 Sport sem fer í loftið klukkan 20.45. 

Rúsínan í pylsuendanum er svo leikur Jaguars og Raiders sem hefst á miðnætti og verður sýndur á Stöð 2 Sport 2.