Dagskráin í dag: Heil umferð í Bestu deild kvenna

Við hefjum leik á fallbaráttuslag Þórs/KA og Aftureldingar sem sýndur verður á Bestu deildarrásinni en útsending frá þeim leik hefst klukkan 17.20. Á sama tíma verður leikur ÍBV og KR í beinni útsendingu á Stöð 2 Sport. 

Leikur Keflavíkur og Vals verður svo á hliðarrás Bestu deildar 2 klukkan 19.10 og viðureign Þróttar Reykjavíkur og Selfoss á Bestudeildarrásinni klukkan 19.50. 

Bein úrsending frá stórleik Stjörnunnar og Breiðabliks hefst síðan á Stöð 2 Sport klukkan 19.50. Að þeim leik loknum eða klukkan 22.00 verður leikjum kvöldsins gerð skil í Bestu mörkunum á Stöð 2 Sport.