Sport

Dagskráin í dag: Evrópski Ofurbikarinn í Finnlandi

Hjörtur Leó Guðjónsson skrifar
Real Madrid og Eintracht Frankfurt berjast um Ofurbikar UEFA í kvöld.
Real Madrid og Eintracht Frankfurt berjast um Ofurbikar UEFA í kvöld. Oliver Hardt - UEFA/UEFA via Getty Images

Sportrásir Stöðvar 2 bjóða upp á eina beina útsendingu í dag þegar Real Madrid og Eintracht Frankfurt mætast á Ólympíuleikvanginum í Helsinki.

Leikurinn verður í beinni útsendingu á Stöð 2 Sport 2, en þarna eru sigurvegarar Meistaradeildar Evrópu og Evrópudeildarinnar að mætast í evrópska Ofurbikarnum, UEFA Super Cup.

Real Madrid tryggði sér sigur í Meistaradeild Evrópu með 1-0 sigri gegn Liverpool í úrslitum í vor á meðan Frankfurt hafði betur gegn Rangers í vítaspyrnukeppni í úrslitum Evrópudeildarinnar.

Eins og áður segir verður leikurinn í beinni útsendingu á Stöð 2 Sport 2, en útsendingin hefst klukkan 18:45.

Dagskráin í dag

Mest lesið


Fleiri fréttir

Sjá meira


×

Mest lesið