Skýjað en þó bærilegasta veður

Næsta sólarhringinn verður suðaustan 5-13 m/s og skýjað sunnan- og vestantil, en sums staðar lítilsháttar væta. Annars hæg breytileg átt og áfram bjartviðri. Hiti 8 til 16 stig, hlýjast fyrir norðan.

Veðurhorfur næstu daga:

Á þriðjudag:

Suðaustan 10-18 m/s og rigning, hvassast úti við sjóinn, en bjartviðri norðaustanlands. Hlýtt í veðri, allt að 21 stigum fyrir norðan. Hægari suðvestátt og úrkomuminna vestantil undir kvöld og fer að kólna.

Á miðvikudag:

Suðlæg átt, 8-15 m/s og rigning, en þurrt að kalla á Norðausturlandi. Hiti 8 til 18 stig, hlýjast fyrir austan.

Á fimmtudag:

Breytilegar áttir og dálítil rigning á austanverðu landinu, en annars úrkomulítið. Hiti 8 til 14 stig.

Á föstudag:

Norðaustlæg átt og skýjað með köflum, en smá væta syðst. Hiti 8 til 17 stig, hlýjast syðra.

Á laugardag:

Útlit fyrir allhvassa suðvestanátt með vætu norðvestantil, en annars hægari og þurrviðri. Fremur hlýtt í veðri.