Það tók gestina frá París 37 mínútur að brjóta ísinn en þá kom Neymar knettinum í netið eftir undirbúning Lionel Messi. Kylian Mbappé skoraði annað mark gestanna snemma í síðari hálfleik og aftur var Messi með stoðsendinguna.
Það var svo varamaðurinn Juan Bernat sem gulltryggði sigurinn undir lok leiks. Lokatölur 3-0 og PSG heldur toppsætinu en liðið er með 13 stig eftir fimm leiki. Bæði Lens og Marseille eru með 13 stig en PSG er með betri markatölu.