Rafmyntarrisi rambar á barmi þrots Kjartan Kjartansson skrifar 10. nóvember 2022 11:00 Auglýsing fyrir rafmyntina bitcoin í Hong Kong. Gengi rafmynta féll eftir slæm tíðindi um FTX, eina stærstu rafmyntarkauphöll heims. AP/Kin Cheung Gengi helstu rafmynta heims tók dýfu eftir að ljóst varð að FTX, ein af stærstu rafmyntarkauphöllum heims yrði ekki bjargað af keppinauti sínum. FTX er sagt ramba á barmi þrots í skugga frétta um að viðskiptahættir fyrirtækisins séu til rannsóknar hjá bandarískum yfirvöldum. FTX er nokkurs konar kauphöll þar sem rafmyntir ganga kaupum og sölum. Áhyggjur af stöðu fyrirtækisins leiddi til áhlaups þar sem viðskiptavinir seldu rafmyntir sínar fyrir um sex milljarða dollara, jafnvirði um 889 milljarða íslenskra króna, á aðeins þremur dögum. Áhlaupið varð til þess að Sam Bankman-Fried, forstjóri og stofnandi FTX, bað fjárfesta um að leggja fyrirtækinu til um átta milljarða dollara til þess að það gæti átt fyrir úttektarbeiðnum viðskiptavina sinna samkvæmt heimildum Wall Street Journal. Breska ríkisútvarpið BBC segir að áhættufjárfestingafélagið Sequoia Capital hafi nú þegar afskrifað meira en 210 milljón dollara fjárfestingu sína í FTX. Sam Bankman-Fried, stofnandi og forstjóri FTX, þegar hann kom fyrir bandaríska þingnefnd í desember.Vísir/Getty Bókhaldið eins og svarthol Binance, stærsta rafmyntarkauphöllin, skoðaði að koma FTX til bjargar en tilkynnti í gær að það ætlaði að sitja hjá eftir að hafa kynnt sér reksturinn. Changpeng Zhao, forstjóri Binance, og Bankman-Fried eru tvö af stærstu nöfnunum í rafmyntarheiminum og keppinautar. Í yfirlýsingu Binance kom fram að áhyggjur af því að FTX hafi misfarið með fjármuni viðskiptavini og mögulegri rannsókn bandarískra alríkisyfirvalda hafi ráðið því að það féll frá kaupum á keppinautnum. Bókhald FTX hafi verið í miklum ólestri og ómögulegt að greina á milli eigna félagsins og skulda dótturfélags sem hefur verið í kröggum. Einn heimildarmaður AP-fréttastofunnar líkti bókhaldinu við „svarthol“. Reuters-fréttastofan sagði frá því í gær að verðbréfa- og kaupþingsnefnd Bandaríkjanna (SEC) væri að rannsaka viðskiptahætti FTX, meðal annars hvort fyrirtækið hefði fylgt lögum um verðbréf sem kveða á um að halda skuli eignum viðskiptavina aðskildum og hvort að það hefði mögulega tekið stöður gegn viðskiptavinum sínum. Eftir að Binance dró sig út úr kaupunum á FTX féll gengi rafmyntarinnar bitcoin um þrettán prósent og hefur það ekki verið lægra í tvö ár. Ethereum, hin stóra rafmyntin, féll einnig um þrettán prósent, að sögn AP-fréttastofunnar. Tom Brady og Gisele Bündchen þegar allt lék í lyndi, bæði í hjónabandinu og í rafmyntarbransanum.Getty/Karwai Tang FTT, rafmynt FTX féll hins vegar um meira en helming eftir fréttirnar. Myntin var tífalt meira virði en hún er nú fyrir aðeins viku. Á meðal þeirra sem eru sögð hafa fjárfest háar fjárhæðir í FTX er bandaríski ruðningsmaðurinn Tom Brady og Gisele Bündchen, ofurfyrirsæta og fyrrverandi eiginkona hans. Vefsíðan Gizmodo segir óljóst hversu mikið þau hafi sett í FTX en þau tóku bæði að sér að verða einhvers konar sendiherrar fyrir fyrirtækið í fyrra. Fall Bankman-Fried er einnig hátt. Forbes segir að auðæfi hans þurrkist nær örugglega út en þau hafa fyrst og fremst byggst á markaðsvirði FTX. Þegar mest lét mat tímaritið auð hans á 26,5 milljarða dollara, jafnvirði hátt í fjögur þúsund milljarða íslenskra króna. Rafmyntir Fjártækni Bandaríkin Gjaldþrot FTX Mest lesið Hætta með spilakassa á Ölveri Viðskipti innlent Vara við „Lafufu“ Viðskipti erlent Segir „vanstilltan“ starfsmann Icelandair kominn úr skotgröfunum Viðskipti innlent Kaupa bræðurna út: „Við vorum sammála um að vinna ekki lengur saman“ Viðskipti innlent Þrjár ráðnar til Krafts Viðskipti innlent Björn Hlynur kaupir Ölver ásamt æskuvinum sínum Viðskipti innlent Spáir endalokum Play á Íslandi: „Fjárfestar voru lokkaðir að stofnun þessa félags“ Viðskipti innlent Flytja Emmessís í Grafarvog Viðskipti innlent Tveir nýir framkvæmdastjórar hjá Póstinum Viðskipti innlent 78 sagt upp í þremur hópuppsögnum Viðskipti innlent Fleiri fréttir Vara við „Lafufu“ Framkvæmdastjóri Nestlé látinn fara í kjölfar ástarsambands Frakkar þurfi mögulega að leita aðstoðar Alþjóðagjaldeyrissjóðsins Risinn sem var of stór til að falla er fallinn Facebook gagnrýnt fyrir að leyfa gervigreind að reyna við börn Vilja ekkert með áfengi nágranna sinna hafa Íslensku KFC-feðgarnir í Danmörku gjaldþrota Kynntu nýja útgáfu ChatGPT: „Þetta er eins og að tala við sérfræðing“ Stærsti olíu- og gasfundur olíurisa í 25 ár Tíu prósenta tollur á færeyskar vörur Leist ekki á hagtölur og rak yfirmann stofnunarinnar Sjá meira
FTX er nokkurs konar kauphöll þar sem rafmyntir ganga kaupum og sölum. Áhyggjur af stöðu fyrirtækisins leiddi til áhlaups þar sem viðskiptavinir seldu rafmyntir sínar fyrir um sex milljarða dollara, jafnvirði um 889 milljarða íslenskra króna, á aðeins þremur dögum. Áhlaupið varð til þess að Sam Bankman-Fried, forstjóri og stofnandi FTX, bað fjárfesta um að leggja fyrirtækinu til um átta milljarða dollara til þess að það gæti átt fyrir úttektarbeiðnum viðskiptavina sinna samkvæmt heimildum Wall Street Journal. Breska ríkisútvarpið BBC segir að áhættufjárfestingafélagið Sequoia Capital hafi nú þegar afskrifað meira en 210 milljón dollara fjárfestingu sína í FTX. Sam Bankman-Fried, stofnandi og forstjóri FTX, þegar hann kom fyrir bandaríska þingnefnd í desember.Vísir/Getty Bókhaldið eins og svarthol Binance, stærsta rafmyntarkauphöllin, skoðaði að koma FTX til bjargar en tilkynnti í gær að það ætlaði að sitja hjá eftir að hafa kynnt sér reksturinn. Changpeng Zhao, forstjóri Binance, og Bankman-Fried eru tvö af stærstu nöfnunum í rafmyntarheiminum og keppinautar. Í yfirlýsingu Binance kom fram að áhyggjur af því að FTX hafi misfarið með fjármuni viðskiptavini og mögulegri rannsókn bandarískra alríkisyfirvalda hafi ráðið því að það féll frá kaupum á keppinautnum. Bókhald FTX hafi verið í miklum ólestri og ómögulegt að greina á milli eigna félagsins og skulda dótturfélags sem hefur verið í kröggum. Einn heimildarmaður AP-fréttastofunnar líkti bókhaldinu við „svarthol“. Reuters-fréttastofan sagði frá því í gær að verðbréfa- og kaupþingsnefnd Bandaríkjanna (SEC) væri að rannsaka viðskiptahætti FTX, meðal annars hvort fyrirtækið hefði fylgt lögum um verðbréf sem kveða á um að halda skuli eignum viðskiptavina aðskildum og hvort að það hefði mögulega tekið stöður gegn viðskiptavinum sínum. Eftir að Binance dró sig út úr kaupunum á FTX féll gengi rafmyntarinnar bitcoin um þrettán prósent og hefur það ekki verið lægra í tvö ár. Ethereum, hin stóra rafmyntin, féll einnig um þrettán prósent, að sögn AP-fréttastofunnar. Tom Brady og Gisele Bündchen þegar allt lék í lyndi, bæði í hjónabandinu og í rafmyntarbransanum.Getty/Karwai Tang FTT, rafmynt FTX féll hins vegar um meira en helming eftir fréttirnar. Myntin var tífalt meira virði en hún er nú fyrir aðeins viku. Á meðal þeirra sem eru sögð hafa fjárfest háar fjárhæðir í FTX er bandaríski ruðningsmaðurinn Tom Brady og Gisele Bündchen, ofurfyrirsæta og fyrrverandi eiginkona hans. Vefsíðan Gizmodo segir óljóst hversu mikið þau hafi sett í FTX en þau tóku bæði að sér að verða einhvers konar sendiherrar fyrir fyrirtækið í fyrra. Fall Bankman-Fried er einnig hátt. Forbes segir að auðæfi hans þurrkist nær örugglega út en þau hafa fyrst og fremst byggst á markaðsvirði FTX. Þegar mest lét mat tímaritið auð hans á 26,5 milljarða dollara, jafnvirði hátt í fjögur þúsund milljarða íslenskra króna.
Rafmyntir Fjártækni Bandaríkin Gjaldþrot FTX Mest lesið Hætta með spilakassa á Ölveri Viðskipti innlent Vara við „Lafufu“ Viðskipti erlent Segir „vanstilltan“ starfsmann Icelandair kominn úr skotgröfunum Viðskipti innlent Kaupa bræðurna út: „Við vorum sammála um að vinna ekki lengur saman“ Viðskipti innlent Þrjár ráðnar til Krafts Viðskipti innlent Björn Hlynur kaupir Ölver ásamt æskuvinum sínum Viðskipti innlent Spáir endalokum Play á Íslandi: „Fjárfestar voru lokkaðir að stofnun þessa félags“ Viðskipti innlent Flytja Emmessís í Grafarvog Viðskipti innlent Tveir nýir framkvæmdastjórar hjá Póstinum Viðskipti innlent 78 sagt upp í þremur hópuppsögnum Viðskipti innlent Fleiri fréttir Vara við „Lafufu“ Framkvæmdastjóri Nestlé látinn fara í kjölfar ástarsambands Frakkar þurfi mögulega að leita aðstoðar Alþjóðagjaldeyrissjóðsins Risinn sem var of stór til að falla er fallinn Facebook gagnrýnt fyrir að leyfa gervigreind að reyna við börn Vilja ekkert með áfengi nágranna sinna hafa Íslensku KFC-feðgarnir í Danmörku gjaldþrota Kynntu nýja útgáfu ChatGPT: „Þetta er eins og að tala við sérfræðing“ Stærsti olíu- og gasfundur olíurisa í 25 ár Tíu prósenta tollur á færeyskar vörur Leist ekki á hagtölur og rak yfirmann stofnunarinnar Sjá meira
Spáir endalokum Play á Íslandi: „Fjárfestar voru lokkaðir að stofnun þessa félags“ Viðskipti innlent
Spáir endalokum Play á Íslandi: „Fjárfestar voru lokkaðir að stofnun þessa félags“ Viðskipti innlent