Aðgerðum björgunarsveita á Mosfellsheiði og á Þingvallasvæðinu er lokið í kvöld. Björgunarsveitir eru á leið í hús eftir að hafa aðstoðað ökumenn fleiri en 70 bifreiða sem festust.
Þetta kemur fram í tilkynningu frá Landsbjörg. Þar segir að bílar hafi verið losaðir þaðan sem þeir sátu fastir og/eða fylgt yfir heiðina til Þingvalla, þar sem fólk safnaðist saman við þjónustumiðstöðina.
Björgunarsveitir fylgdu svo bílalest þaðan niður á Suðurlandsveg við Selfoss, en margir hugðust fara Hellisheiði til Reykjavíkur.
Lokað hefur verið fyrir umferð austur Þingvallaveg, frá Gljúfrasteini í Mosfellsdal. Ástæðan eru bílar sem ökumenn hafa fest á Mosfellsheiði í dag.
