Í fyrramálið má gera ráð fyrir norðvestanátt, fimmtán til 23 metrar á sekúndu, á Austfjörðum að mati Veðurstofu Íslands. Vindhviður verða við fjöll og varasamt ferðaveður.
Í ábendingum frá Daníel Þorlákssyni veðurfræðingi segir að hviður sums staðar geti náð yfir 35 metrum á sekúndu, til dæmis í Fagradal og Hamarsfirði. Þá verður álíka hvasst á Fjarðarheiði og mögulega blint þar í éljum.
