Gakpo, sem er 23 ára gamall, kom til Liverpool frá PSV Eindhoven í síðasta mánuði og hefur verið í byrjunarliðinu í sex leikjum, án þess að skora mark. Óhætt er að segja að honum gangi illa að heilla stuðningsmenn Liverpool og liðið er komið niður í 10. sæti deildarinnar.
Koeman segir að það sé gott að hafa unga, hollenska leikmenn í bestu deildunum en að það sé líka erfitt fyrir þá.
„Getustigið í Englandi er hærra en í Hollandi en þetta eru líka ungir strákar, ekki satt? Eins og [Ryan] Gravenberch sem fór til Bayern og er ekki að spila. Þá er þetta erfitt,“ sagði Koeman í Youtube-þætti Andy van der Meyde, samkvæmt frétt Reuters.
"If you don't score or you're not important and you don't win any matches, it's very difficult."
— Standard Sport (@standardsport) February 8, 2023
Netherlands boss Ronald Koeman admits Cody Gakpo fears after Liverpool switch.https://t.co/VOu7pAZyII
Koeman sagði það ekki hjálpa Gakpo hve illa gengi hjá Liverpool á þessari leiktíð.
„Maður sér það alveg að hann endaði hjá liði sem gengur ekki svo vel. Þá verður þetta erfiðara fyrir hann, sem nýkeyptan leikmann. Maður er strax prófaður. Og ef maður skorar ekki eða er ekki mikilvægur, og maður vinnur ekki leiki, þá er þetta mjög erfitt, sérstaklega fyrir unga leikmenn. Ef að þetta væri 28 ára leikmaður með reynslu þá væri þetta annað mál,“ sagði Koeman.
