Lífið

Law & Order stjarna fallin frá

Samúel Karl Ólason skrifar
Richard Belzer árið 2009.
Richard Belzer árið 2009. Getty/Charles Eshelman

Leikarinn og grínistinn Richard Belzer er látinn. Belzer, sem var 78 ára gamall var þekktastur fyrir að leika rannsóknarlögreglumanninn John Munch í Homicide: Life on the Street og Law & Order: SVU þáttunum um árabil. Hann lést á heimili sínu í Frakklandi í morgun.

Bill Scheft, vinur Belzers um árabil, sagði Hollywood Reporter að Belzer hefði átt við ýmsa heilsukvilla að stríða. Shceft sagði einnig að síðustu orð Belzers hefðu verið: „Farðu í rassgat, drullusokkur.“

Belzer lék John Munch frá 1993 til 2016. Fyrir það var hann grínisti og var meðal annars reglulega í Saturday Night Live á fyrstu árum þeirra þátta. Hann birtist einnig í Miami Vice, Monsters, The Flash, Lois & Clark, X-Files, Arrested Development, The Wire og mörgum öðrum sjónvarpsþáttum.

Þá lék hann einnig í kvikmyndum eins og Scarface og The Bonfire of the Vanities. 

Hollywood Andlát Bandaríkin


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.