Tottenham sagt búið að hafa samband við Nagelsmann

Tottenham er að leita sér að nýjum framtíðatstjóra eftir að Antonio Conte yfirgaf félagið um helgina.

Sky í Þýskalandi segir að Tottenham sé búið að hafa samband við Nagelsmann.

Nagelsmann var óvænt rekinn frá Bayern München á dögunum og ætlar að taka sér tíma í að skoða sína framtíð. Það er talið ólíklegt að hann ráði sig í nýtt starf fyrr en í sumar.

Hann hefur einnig verið orðaður við Real Madrid og það gætu því verið meira spennandi í boði en að taka við Tottenham.

Sky News fékk engin svör frá Tottenham um málið þegar leitað var eftir því.