Biðst afsökunar á því að hafa skallað annan þjálfara

McPherson missti algjörlega stjórn á skapi sínu eftir 1-1 jafntefli liðanna í skosku úrvalsdeild kvenna síðastliðinn mánudag. Í myndbandi sem náðist af atvikinu sást McPherson skalla knattspyrnustjóra Rangers, Fran Alonso, í hnakkann þegar leikmenn og þjálfarar þökkuðu hver öðrum fyrir leikinn.

Þessi 52 ára gamli aðstoðarþjálfari Rangers hefur nú sent frá sér afsökunarbeiðni og í samtali við skoska knattspyrnusambandið sagðist hann taka á sig þá refsingu sem sambandið myndi ákveða.

„Ég vil biðjast innilegrar afsökunar á hegðun minni,“ segir McPherson í upphafi yfirlýsingarinnar.

„Ég veit vel að ég brást sjálfum mér, liðinu og klúbbnum í heild. Ég geri miklar kröfur til sjálfs míns og hef aldrei gert neitt þessu líkt á löngum þjálfaraferli og ég veit að ég stóðst ekki mínar eigin kröfur með hegðun minni.“