Innlent

Ekki vissir um hvor ók bifreiðinni á ljósastaur

Ólafur Björn Sverrisson skrifar
Atvikið átti sér stað í Háaleitishverfi.
Atvikið átti sér stað í Háaleitishverfi. vísir/vilhelm

Tveir menn voru handteknir í dag eftir að bifreið var ekið á ljósastaur í Háaleitishverfi. Hvorugur hinna handteknu vissi hvor þeirra hafi ekið bifreiðinni. 

Þetta kemur fram í tilkynningu frá lögreglu þar sem sagt er frá verkefnum dagsins. Mennirnir hafi báðir verið ölvaðir og vistaðir í fangaklefa.

Þá var tilkynnt um mann í annarlegu ástandi sem vistaður var í fangaklefa þar sem „hann var ekki í ástandi til að vera á meðal fólks“. Þá var par handtekið í Hlíðahverfi vegna húsbrots og þau vistuð í fangaklefa. 

Í Kársneshverfi í Kópavogi var maður handtekinn vegna innbrots og þjófnaður. Er hann grunaður um fleiri innbrot og var vistaður í fangaklefa. Hann bíður skýrslutöku. 

Reykjavík Lögreglumál

Mest lesið


Fleiri fréttir

Sjá meira


×

Mest lesið