Jóhannes Karl hefur verið aðstoðarþjálfari Arnars Þórs frá því í fyrra og tók við eftir að Eiði Smára Guðjohnsen var sagt upp störfum. Hareide staðfesti að hann vilji vinna með Jóhannesi og hann verði áfram aðstoðarþjálfari liðsins.
„Ég fékk kynningu á hvað hann og þeir hafa gert og þeirra hugsunarhætti,“ sagði Hareide á fundinum.
„Jói var með frábæra kynningu á því sem þeir hafa gert á æfingum og leikjum, Hann er ungur og öflugur þjálfari,“ bætti hann við.
„Ef hægt er að byggja upp starfslið ungra þjálfara héðan lofar það góðu fyrir framtíðina,“ sagði hann enn fremur.
