Dag­skráin í dag: Mikil­vægir leikir í Olís, undan­úr­slit í Subway, Evrópu­deild, golf og margt fleira

Stöð 2 Sport

Klukkan 18.45 er leikur Njarðvíkur og Tindastóls í undanúrslitum Subway-deildar karla í körfubolta á dagskrá. Um er að ræða fyrsta leik liðanna í einvíginu. Klukkan 21.10 er Körfuboltakvöld á dagskrá.

Stöð 2 Sport 2

Klukkan 18.50 hefst útsending frá leik Sevilla og Manchester United í 8-liða úrslitum Evrópudeildarinnar. Staðan er 2-2 í einvíginu.

Stöð 2 Sport 3

Klukkan 18.50 er leikur West Ham United og Gent í Sambandsdeild Evrópu á dagskrá. Staðan er 1-1 í einvíginu.

Stöð 2 Sport 4

Klukkan 15.00 er The Chevron Championship-mótið í golfi á dagskrá. Það er hluti af LPGA-mótaröðinni.

Klukkan 18.50 er leikur Union SG og Bayer Leverkusen í Evrópudeildinni á dagskrá. Staðan er 1-1 í einvíginu.

Klukkan 22.00 hefst útsending að nýju frá Chevron Championship.

Stöð 2 Sport 5

Klukkan 14.50 hefst útsending frá Ásvöllum þar sem Haukar taka á móti Fram í úrslitakeppni Olís-deildar kvenna í handbolta. Haukar leiða 1-0 og verður Fram því að sigra ætli liðið sér ekki í sumarfrí.

Klukkan 16.50 færum við okkur til Akureyrar þar sem KA/Þór tekur á móti Stjörnunni í sömu keppni. Gestirnir leiða 1-0 í einvíginu.

Klukkan 18.40 er komið að Seinni bylgjunni þar sem leikir dagsins verða gerðir upp.

Stöð 2 ESport

Klukkan 19.30 er RLÍS-deildin á dagskrá. Þar er keppt í Rocket League.