Stofnun Sæ­mundar fróða heitir nú Sjálf­bærni­stofnun Há­skóla Ís­lands

Frá þessu er greint í tilkynningu á vef háskólans.

Þar segir að nafnabreytingin sé hluti af ítarlegri stefnumótunarvinnu sem fór af stað í kjölfar ráðningar Hafdísar Hönnu Ægisdóttur, forstöðumanns Sjálfbærnistofnunar, í ársbyrjun 2021 en í þeirri vinnu hafi verið skerpt á hlutverki og framtíðarsýn stofnunarinnar.

„Hlutverk Sjálfbærnistofnunar HÍ er að vera vettvangur rannsókna og þróunar á sviði sjálfbærni. Sjálfbærni er í eðli sínu þverfræðilegt viðfangsefni og við lítum því á okkur sem brúarsmiði og miðlægan vettvang sem höfum góða yfirsýn, tengsl og sérþekkingu sem styður við þverfaglegar rannsóknir, miðlun og ráðgjöf innan og utan háskólans. Þá á ég bæði við að tengja saman fræðafólk og ólík fagsvið innan HÍ en einnig að tengja háskólann enn betur við samfélagið, þar á meðal við Stjórnaráðið, sveitastjórnir, stofnanir, félagasamtök og fyrirtæki. Einnig tökum við þátt í fjölmörgum erlendum samstarfsverkefnum,“ er haft eftir Hafdísi.