Umbi vill skýrari svör frá Bjarna um Íslandsbankasöluna Jakob Bjarnar skrifar 8. maí 2023 11:24 Skúli Magnússon umboðsmaður er ekki til í að sleppa Bjarna Benediktssyni með það sem hann telur ófullnægjandi svör fjármálaráðherra um hvernig staðið var að sölu hlut ríkisins í Íslandsbanka. Vísir Skúli Magnússon, umboðsmaður Alþingis, hefur óskað eftir frekari skýringum af hálfu Bjarna Benediktssonar á hæfi hans en þetta er vegna sölu á 22,5 prósenta hlut ríkisins í Íslandsbanka í mars í fyrra. Salan sú hefur sætt mikilli gagnrýni og þá meðal annars sá þáttur málsins sem snýr að föður Bjarna, Benedikt Sveinssyni sem var einn þeirra sem fékk að kaupa. Bjarni hefur sagt að þau kaup hafi komið sér í opna skjöldu og verið í trássi við vilja hans. Skúli fer fram á að öll samskipti Bjarna og ráðuneytisins við Bankasýslu ríkisins frá því að söluferlið hófst þar til úthlutun hlutabréfa lauk, m.a. tölvupóstsamskipti, minnisblöð og símtöl. Þetta kemur fram í tilkynningu sem finna má á vef umboðsmanns. Þar er rifjað upp að athugun umboðsmanns að álitamálum um hæfi fjármála- og efnahagsráðherra vegna kaupa einkahlutafélags föður hans á hlut í bankanum hafi verið yfirstandandi. Skúli Magnússon umboðasmaður telur þau svör sem Bjarni Benediktsson fjármálaráðherra hafi veitt um söluna á Íslansbanka ófullnægjandi og spyr hvers vegna athygli ráðuneytisins hafi ekki verið á því vakin að faðir hans væri meðal kaupenda.Vísir/Vilhelm „Í framhaldi af svari ráðherra frá 24. mars sl. er nú óskað eftir nánari og ítarlegum skýringum á afstöðu ráðherra, m.a. hvort hann telji það hafa verið forsendu hugsanlegs vanhæfis síns í málinu að hann hefði vitneskju um að einkahlutafélagið væri meðal bjóðenda,“ segir þar. Óljós fyrri svör Bjarna Þá segir að umboðsmaður telji ekki enn fyllilega ljóst hvort ráðherra telji það fyrirkomulag sem viðhaft var við söluna hafi í reynd tryggt að gætt yrði hæfisreglna en í því tilliti er meðal annars spurt um hvort raunhæft hefði verið að kanna hvort fyrirhugaðir kaupendur hefðu þau tengsl við ráðherra að slík álitamál vöknuðu. Ljóst er að Skúli telur ýmsum spurningum enn ósvarað í málinu: „Í ljósi þess að í svari ráðherra kemur fram að engin athugun á slíkum tengslum fór fram innan ráðuneytisins óskar umboðsmaður einnig eftir upplýsingum um hvort það hafi litið svo á að Bankasýslunni bæri að kanna slík atriði. Spyr hann í því sambandi hvort stofnuninni hafi verið ljóst að einkahlutafélag í eigu föður ráðherra væri á meðal bjóðenda og þá hvers vegna athygli ráðuneytisins hafi ekki verið vakin á því.“ Frestur sem Skúli veitir Bjarna til svara er til 9. júní næstkomandi. Spurningar sem ríkisendurskoðandi tók ekki til athugunar Salan á Íslandsbanka hefur verið mikið hitamál á Alþingi. Einn þeirra sem hefur farið mikinn í gagnrýni á Bjarna og ríkisstjórn Katrínar Jakobsdóttur, hvernig að málum var staðið, er Jóhann Páll Jóhannsson þingmaður Samfylkingarinnar. Jóhann Páll rifjar upp að þingmenn stjórnarflokkanna hafi lagst eindregið gegn því að skipuð yrði sérleg rannsóknarnefnd Alþingis sem færi í saumana á sölunni. Nú spyrji umboðsmaður Alþingis um atriði sem ekki voru undir í skýrslu ríkisendurskoðunar og athyglisvert verði hvað komi út úr því.Vísir/Vilhelm „Það er auðvitað jákvætt að þessar grundvallarspurningar um vinnubrögð fjármálaráðherra við söluna á Íslandsbanka fái loksins lögfræðilega umfjöllun, hvort Bjarni Benediktsson hafi rækt starfsskyldur sínar og gætt að hæfi sínu þegar hann seldi föður sínum eignarhlut í Íslandsbanka,“ segir Jóhann Páll spurður hvað hann lesi í þetta erindi Skúla. Jóhann Páll bendir á að þingmenn Vinstri grænna, Framsóknarflokksins og Sjálfstæðisflokksins hafi lagðst gegn því að skipuð yrði rannsóknarnefnd um söluna eða að óskað yrði eftir lögfræðiáliti um stjórnsýslulega þætti sölunnar. „En nú hefur umboðsmaður Alþingis hafið frumkvæðisathugun sem lýtur greinilega að því hvort hæfisreglum stjórnsýsluréttarins hafi verið fylgt, atriðum sem ekki voru undir í úttekt Ríkisendurskoðunar um söluna á Íslandsbanka. Það verður athyglisvert að sjá hvað kemur út úr þessu.“ Salan á Íslandsbanka Umboðsmaður Alþingis Ríkisstjórn Katrínar Jakobsdóttur Íslandsbanki Íslenskir bankar Stjórnsýsla Mest lesið Segir ljóst að Víðir hafi brotið stjórnsýslulög: „Það er verið að kaupa sér vinsældir“ Innlent Ætlar að gera allt í sínu valdi til að tryggja rekstur Kaffistofunnar Innlent Loka kaffiskúrnum umtalaða við Leifsstöð Innlent Öryggismál að eiga reiðufé heima fyrir „ef í harðbakkann slær“ Innlent Ríkið keypti nýjan sendiherrabústað á 750 milljónir Innlent „Auðvitað bregður fólki“ Innlent Inga endurvekur 25 metra regluna Innlent Stöðvaði miðasölu um leið og hann áttaði sig á stöðu mála Innlent Fádæma úrhelli á Ólafsfirði Innlent Hrottalegu ofbeldi lýst í ákæru á hendur Stefáni, Lúkasi og Matthíasi Innlent Fleiri fréttir Segir ljóst að Víðir hafi brotið stjórnsýslulög: „Það er verið að kaupa sér vinsældir“ Ætlar að gera allt í sínu valdi til að tryggja rekstur Kaffistofunnar Fádæma úrhelli á Ólafsfirði Hildur er nýr formaður Almannaheilla Loka kaffiskúrnum umtalaða við Leifsstöð Öryggismál að eiga reiðufé heima fyrir „ef í harðbakkann slær“ Um 100 skemmtiferðaskip í Vestmannaeyjum í sumar „Auðvitað bregður fólki“ Ríkið keypti nýjan sendiherrabústað á 750 milljónir Hlutfall barna sem beitti foreldra eða skylda ofbeldi tvöfaldaðist Strandveiðimenn huga að samstöðufundi við Austurvöll Tilkynningum um heimilisofbeldi fjölgar og endurfrumsýning Brúðubílsins Skemmtiferðaskipi snúið vegna vinds „Djöflablístur“ stafi líklega af svölum nýbygginga Stöðvaði miðasölu um leið og hann áttaði sig á stöðu mála Hrottalegu ofbeldi lýst í ákæru á hendur Stefáni, Lúkasi og Matthíasi Tvöfalt fleiri Parkinson-sjúklingar eftir fimmtán ár Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Bílastæðið rifið upp með rótum Hlýjasti maímánuður á landinu frá upphafi mælinga „Ég vil fá að ráða hvar ég slátra og hverja ég er í viðskiptum við“ Krefur Ríkisútvarpið um leiðréttingu Ekki ólíklegt að þingið fari nokkra daga fram yfir „Hef mikinn skilning á því að Víðir hafi gert þetta“ Horft til tillagna um að minni fyrirtæki verði undanskyld jafnlaunavottun Heimurinn undrist villimennsku Íslendinga Sjá meira
Salan sú hefur sætt mikilli gagnrýni og þá meðal annars sá þáttur málsins sem snýr að föður Bjarna, Benedikt Sveinssyni sem var einn þeirra sem fékk að kaupa. Bjarni hefur sagt að þau kaup hafi komið sér í opna skjöldu og verið í trássi við vilja hans. Skúli fer fram á að öll samskipti Bjarna og ráðuneytisins við Bankasýslu ríkisins frá því að söluferlið hófst þar til úthlutun hlutabréfa lauk, m.a. tölvupóstsamskipti, minnisblöð og símtöl. Þetta kemur fram í tilkynningu sem finna má á vef umboðsmanns. Þar er rifjað upp að athugun umboðsmanns að álitamálum um hæfi fjármála- og efnahagsráðherra vegna kaupa einkahlutafélags föður hans á hlut í bankanum hafi verið yfirstandandi. Skúli Magnússon umboðasmaður telur þau svör sem Bjarni Benediktsson fjármálaráðherra hafi veitt um söluna á Íslansbanka ófullnægjandi og spyr hvers vegna athygli ráðuneytisins hafi ekki verið á því vakin að faðir hans væri meðal kaupenda.Vísir/Vilhelm „Í framhaldi af svari ráðherra frá 24. mars sl. er nú óskað eftir nánari og ítarlegum skýringum á afstöðu ráðherra, m.a. hvort hann telji það hafa verið forsendu hugsanlegs vanhæfis síns í málinu að hann hefði vitneskju um að einkahlutafélagið væri meðal bjóðenda,“ segir þar. Óljós fyrri svör Bjarna Þá segir að umboðsmaður telji ekki enn fyllilega ljóst hvort ráðherra telji það fyrirkomulag sem viðhaft var við söluna hafi í reynd tryggt að gætt yrði hæfisreglna en í því tilliti er meðal annars spurt um hvort raunhæft hefði verið að kanna hvort fyrirhugaðir kaupendur hefðu þau tengsl við ráðherra að slík álitamál vöknuðu. Ljóst er að Skúli telur ýmsum spurningum enn ósvarað í málinu: „Í ljósi þess að í svari ráðherra kemur fram að engin athugun á slíkum tengslum fór fram innan ráðuneytisins óskar umboðsmaður einnig eftir upplýsingum um hvort það hafi litið svo á að Bankasýslunni bæri að kanna slík atriði. Spyr hann í því sambandi hvort stofnuninni hafi verið ljóst að einkahlutafélag í eigu föður ráðherra væri á meðal bjóðenda og þá hvers vegna athygli ráðuneytisins hafi ekki verið vakin á því.“ Frestur sem Skúli veitir Bjarna til svara er til 9. júní næstkomandi. Spurningar sem ríkisendurskoðandi tók ekki til athugunar Salan á Íslandsbanka hefur verið mikið hitamál á Alþingi. Einn þeirra sem hefur farið mikinn í gagnrýni á Bjarna og ríkisstjórn Katrínar Jakobsdóttur, hvernig að málum var staðið, er Jóhann Páll Jóhannsson þingmaður Samfylkingarinnar. Jóhann Páll rifjar upp að þingmenn stjórnarflokkanna hafi lagst eindregið gegn því að skipuð yrði sérleg rannsóknarnefnd Alþingis sem færi í saumana á sölunni. Nú spyrji umboðsmaður Alþingis um atriði sem ekki voru undir í skýrslu ríkisendurskoðunar og athyglisvert verði hvað komi út úr því.Vísir/Vilhelm „Það er auðvitað jákvætt að þessar grundvallarspurningar um vinnubrögð fjármálaráðherra við söluna á Íslandsbanka fái loksins lögfræðilega umfjöllun, hvort Bjarni Benediktsson hafi rækt starfsskyldur sínar og gætt að hæfi sínu þegar hann seldi föður sínum eignarhlut í Íslandsbanka,“ segir Jóhann Páll spurður hvað hann lesi í þetta erindi Skúla. Jóhann Páll bendir á að þingmenn Vinstri grænna, Framsóknarflokksins og Sjálfstæðisflokksins hafi lagðst gegn því að skipuð yrði rannsóknarnefnd um söluna eða að óskað yrði eftir lögfræðiáliti um stjórnsýslulega þætti sölunnar. „En nú hefur umboðsmaður Alþingis hafið frumkvæðisathugun sem lýtur greinilega að því hvort hæfisreglum stjórnsýsluréttarins hafi verið fylgt, atriðum sem ekki voru undir í úttekt Ríkisendurskoðunar um söluna á Íslandsbanka. Það verður athyglisvert að sjá hvað kemur út úr þessu.“
Salan á Íslandsbanka Umboðsmaður Alþingis Ríkisstjórn Katrínar Jakobsdóttur Íslandsbanki Íslenskir bankar Stjórnsýsla Mest lesið Segir ljóst að Víðir hafi brotið stjórnsýslulög: „Það er verið að kaupa sér vinsældir“ Innlent Ætlar að gera allt í sínu valdi til að tryggja rekstur Kaffistofunnar Innlent Loka kaffiskúrnum umtalaða við Leifsstöð Innlent Öryggismál að eiga reiðufé heima fyrir „ef í harðbakkann slær“ Innlent Ríkið keypti nýjan sendiherrabústað á 750 milljónir Innlent „Auðvitað bregður fólki“ Innlent Inga endurvekur 25 metra regluna Innlent Stöðvaði miðasölu um leið og hann áttaði sig á stöðu mála Innlent Fádæma úrhelli á Ólafsfirði Innlent Hrottalegu ofbeldi lýst í ákæru á hendur Stefáni, Lúkasi og Matthíasi Innlent Fleiri fréttir Segir ljóst að Víðir hafi brotið stjórnsýslulög: „Það er verið að kaupa sér vinsældir“ Ætlar að gera allt í sínu valdi til að tryggja rekstur Kaffistofunnar Fádæma úrhelli á Ólafsfirði Hildur er nýr formaður Almannaheilla Loka kaffiskúrnum umtalaða við Leifsstöð Öryggismál að eiga reiðufé heima fyrir „ef í harðbakkann slær“ Um 100 skemmtiferðaskip í Vestmannaeyjum í sumar „Auðvitað bregður fólki“ Ríkið keypti nýjan sendiherrabústað á 750 milljónir Hlutfall barna sem beitti foreldra eða skylda ofbeldi tvöfaldaðist Strandveiðimenn huga að samstöðufundi við Austurvöll Tilkynningum um heimilisofbeldi fjölgar og endurfrumsýning Brúðubílsins Skemmtiferðaskipi snúið vegna vinds „Djöflablístur“ stafi líklega af svölum nýbygginga Stöðvaði miðasölu um leið og hann áttaði sig á stöðu mála Hrottalegu ofbeldi lýst í ákæru á hendur Stefáni, Lúkasi og Matthíasi Tvöfalt fleiri Parkinson-sjúklingar eftir fimmtán ár Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Bílastæðið rifið upp með rótum Hlýjasti maímánuður á landinu frá upphafi mælinga „Ég vil fá að ráða hvar ég slátra og hverja ég er í viðskiptum við“ Krefur Ríkisútvarpið um leiðréttingu Ekki ólíklegt að þingið fari nokkra daga fram yfir „Hef mikinn skilning á því að Víðir hafi gert þetta“ Horft til tillagna um að minni fyrirtæki verði undanskyld jafnlaunavottun Heimurinn undrist villimennsku Íslendinga Sjá meira