Sendlar hringsóla í Mosfellsbæ með pakka Kjósarmanna Kristinn Haukur Guðnason skrifar 29. maí 2023 07:02 Þorbjörg segir að Kjósamenn lenti margsinnis í vandræðum með að panta vörur heim að dyrum. Kjósarhreppur, Getty Um áratuga skeið hafa íbúar Kjósarhrepps barist fyrir sérstöku póstnúmeri. Pósturinn stendur fast á sínu og neitar þeim um þrátt fyrir að íbúarnir hafi í ótal skipti lent í vandræðum. „Maður hefði haldið að póstnúmer væru gerð til að bæta þjónustu. Þetta fyrirkomulag er að flækja stöðuna og rýra hana,“ segir Þorbjörg Gísladóttir sveitarstjóri. Fram til ársins 2009 deildu sveitungar í Kjósinni, um 250 manns, póstnúmerinu 270 með íbúum Mosfellsbæjar. Eftir það hafa þeir haft númerið 276 en nafn Mosfellsbæjar er enn þá hengt við. Baráttan fyrir sérstöku póstnúmeri fyrir Kjós hefur staðið yfir um áratuga skeið. „Þetta er að valda okkur vandræðum. Ég held að hver einasti einstaklingur hérna í sveitinni hafi rekið sig á vandamál með að panta hluti í heimsendingu,“ segir Þorbjörg. Húsið fannst ekki Allt of oft gerist það að sendlar keyra í Mosfellsbæ því þeir halda að sá sem pantaði búi þar. Þar hringsóli þeir en snúi loks aftur til baka því þeir finna ekki húsið. Þorbjörg segist sjálf hafa lent í þessu fyrir skemmstu þegar hún pantaði bækur erlendis frá. Einn dag fékk hún skilaboð um að bækurnar yrðu sendar heim að dyrum. „Svo fékk ég skilaboð daginn eftir þar sem stóð: Ekki tókst að afhenda vöruna. Húsið fannst ekki,“ segir hún. Byggðastofnun sér um útdeilingu póstnúmera en aðeins eftir umsögn Póstsins. Pósturinn hefur lagst alfarið gegn því að Kjósin fái sérstakt póstnúmer. Hörð andstaða Póstsins Í nýlegri umsögn Póstsins segir að póstnúmer séu fyrst og fremst til að styðja við dreifingu póstsendinga og að auka hraða og öryggi við flokkun og afgreiðslu. Við mótun núverandi kerfis var viðkomandi númer tengt við þjónustupósthúsið, sem er í Mosfellsbæ. Nefnt er að sama fyrirkomulag sé víða um land. Svo sem að Flóahreppur sé 803 Selfoss og að Svalbarðsstrandarhreppur sé 606 Akureyri. Pósturinn segir að þeirra fólk lendi aldrei í vandræðum vegna númersins.Vísir/Vilhelm „Þá er einnig rétt að geta þess að engin vandkvæði hafa komið upp við dreifingu póstsendinga í póstnúmerinu 276 Mosfellsbær,“ segir í umsögninni. Það að önnur fyrirtæki eða stofnanir noti póstnúmer sé alfarið á ábyrgð viðkomandi aðila. Einnig segir Pósturinn að ef árituninni yrði breytt í þessu tilviki gæti það haft afleiðingar fyrir önnur sambærileg tilvik víða um land. Stöðugleiki og fyrirsjáanleiki skipti máli þegar um póstnúmer sé að ræða. „Computer says no“ Þorbjörg segir röksemdir Póstsins ekki halda vatni því að áðurnefnd dæmi séu ekki sambærileg við Kjósina. „Þessir staðir sem þeir nefna eru á landsbyggðinni. Við erum í sérstakri stöðu af því að við tengjumst höfuðborgarsvæðinu þó við séum dreifbýli,“ segir hún. „Þó að Kjósin teljist til höfuðborgarsvæðisins þá líta fyrirtæki og stofnanir á okkur sem hluta af landsbyggðinni og senda ekki út vörur inn á þetta svæði.“ Meðalfellsvatn í Kjós.Kjósarhreppur Málið sé réttlætismál og horfa þurfi til sérstöðu Kjósarhrepps. Málið beri keim af frægu atriði úr þáttunum Little Britain, það er „Computer says no“ eða „tölvan segir nei.“ „Við erum ekki hætt,“ segir Þorbjörg um baráttu Kjósamanna fyrir eigin póstnúmeri. Aðspurð um óskanúmer segist hún ekki hafa það. Það væri alveg eins gott að hafa sama númer, bara ef það stæði Kjós fyrir aftan. Kjósarhreppur Mosfellsbær Pósturinn Stjórnsýsla Mest lesið Grét og sagði líf sitt búið eftir að hafa stungið þrjá Innlent Nefndir þingsins að taka á sig mynd Innlent Utankjörfundaratkvæði dagaði uppi á bæjarskrifstofum Kópavogs Innlent Nýtt hljóðmerki bílaeigendum til ama Innlent Tjón varð á yfir 20 bifreiðum vegna hola í höfuðborginni Innlent Kom Kolaportinu fyrir horn og leitar nú langtímalausna Innlent Heldur því fram að Efling sé hið raunverulega „gervistéttarfélag“ Innlent Tala látinna hækkar í LA og veðurspáin er óhagstæð Erlent Stjórnmálamenn fá ekki að tjá sig á 80 ára afmæli frelsunar Auschwitz Erlent Fimm handteknir í sérsveitaraðgerð á Akureyri Innlent Fleiri fréttir „Ég man ekki eftir álíka faraldri“ Fjöldi tilkynninga vegna fuglaflensu Skúr varð eldi að bráð Grét og sagði líf sitt búið eftir að hafa stungið þrjá Heldur því fram að Efling sé hið raunverulega „gervistéttarfélag“ Metfjöldi útkalla þyrlusveitar Gæslunnar Vill leggja fram nýja rammaáætlun á hverju þingi út kjörtímabilið Utankjörfundaratkvæði dagaði uppi á bæjarskrifstofum Kópavogs Einelti, óvelkomnir og öskur í heimahúsi Tjón varð á yfir 20 bifreiðum vegna hola í höfuðborginni Nefndir þingsins að taka á sig mynd Kom Kolaportinu fyrir horn og leitar nú langtímalausna Nýtt hljóðmerki bílaeigendum til ama Kiðlingarnir Frosti og Snær bræða alla í kringum sig Fann nítján dauðar gæsir í Vatnsmýrinni Völlurinn geti orðið ónothæfur á köflum Fimm handteknir í sérsveitaraðgerð á Akureyri „Stórkostlega undarlegt“ að þekktir gerendur séu ekki ákærðir Stór skjálfti reið yfir í Ljósufjallakerfinu Áhyggjur Icelandair af lokun flugbrautar og óþrjótandi píp-hljóð Mikilvægt að nýr formaður hafi breiða skírskotun Íbúar í Garði ósáttir við uppbyggingu á þekktu flóðasvæði Danir hafi sofnað á verðinum og Trump að hræra í pottinum Styrktartónleikar á Hvolsvelli fyrir mikið slasaðan bónda „Mogginn er ekki flokksblað Framsóknarflokksins“ Þrýstingur innan Framsóknar og veik staða Rússlands „Hrikalegir“ biðlistar hjá golfklúbbum í höfuðborginni Áhrif milljarðamæringa, áhugi á Grænlandi og brotthvarf Bjarna Kostnaður við nýja sánuklefa í Vesturbæ um 130 milljónir Lögreglan hljóp uppi ólátabelg í nótt Sjá meira
„Maður hefði haldið að póstnúmer væru gerð til að bæta þjónustu. Þetta fyrirkomulag er að flækja stöðuna og rýra hana,“ segir Þorbjörg Gísladóttir sveitarstjóri. Fram til ársins 2009 deildu sveitungar í Kjósinni, um 250 manns, póstnúmerinu 270 með íbúum Mosfellsbæjar. Eftir það hafa þeir haft númerið 276 en nafn Mosfellsbæjar er enn þá hengt við. Baráttan fyrir sérstöku póstnúmeri fyrir Kjós hefur staðið yfir um áratuga skeið. „Þetta er að valda okkur vandræðum. Ég held að hver einasti einstaklingur hérna í sveitinni hafi rekið sig á vandamál með að panta hluti í heimsendingu,“ segir Þorbjörg. Húsið fannst ekki Allt of oft gerist það að sendlar keyra í Mosfellsbæ því þeir halda að sá sem pantaði búi þar. Þar hringsóli þeir en snúi loks aftur til baka því þeir finna ekki húsið. Þorbjörg segist sjálf hafa lent í þessu fyrir skemmstu þegar hún pantaði bækur erlendis frá. Einn dag fékk hún skilaboð um að bækurnar yrðu sendar heim að dyrum. „Svo fékk ég skilaboð daginn eftir þar sem stóð: Ekki tókst að afhenda vöruna. Húsið fannst ekki,“ segir hún. Byggðastofnun sér um útdeilingu póstnúmera en aðeins eftir umsögn Póstsins. Pósturinn hefur lagst alfarið gegn því að Kjósin fái sérstakt póstnúmer. Hörð andstaða Póstsins Í nýlegri umsögn Póstsins segir að póstnúmer séu fyrst og fremst til að styðja við dreifingu póstsendinga og að auka hraða og öryggi við flokkun og afgreiðslu. Við mótun núverandi kerfis var viðkomandi númer tengt við þjónustupósthúsið, sem er í Mosfellsbæ. Nefnt er að sama fyrirkomulag sé víða um land. Svo sem að Flóahreppur sé 803 Selfoss og að Svalbarðsstrandarhreppur sé 606 Akureyri. Pósturinn segir að þeirra fólk lendi aldrei í vandræðum vegna númersins.Vísir/Vilhelm „Þá er einnig rétt að geta þess að engin vandkvæði hafa komið upp við dreifingu póstsendinga í póstnúmerinu 276 Mosfellsbær,“ segir í umsögninni. Það að önnur fyrirtæki eða stofnanir noti póstnúmer sé alfarið á ábyrgð viðkomandi aðila. Einnig segir Pósturinn að ef árituninni yrði breytt í þessu tilviki gæti það haft afleiðingar fyrir önnur sambærileg tilvik víða um land. Stöðugleiki og fyrirsjáanleiki skipti máli þegar um póstnúmer sé að ræða. „Computer says no“ Þorbjörg segir röksemdir Póstsins ekki halda vatni því að áðurnefnd dæmi séu ekki sambærileg við Kjósina. „Þessir staðir sem þeir nefna eru á landsbyggðinni. Við erum í sérstakri stöðu af því að við tengjumst höfuðborgarsvæðinu þó við séum dreifbýli,“ segir hún. „Þó að Kjósin teljist til höfuðborgarsvæðisins þá líta fyrirtæki og stofnanir á okkur sem hluta af landsbyggðinni og senda ekki út vörur inn á þetta svæði.“ Meðalfellsvatn í Kjós.Kjósarhreppur Málið sé réttlætismál og horfa þurfi til sérstöðu Kjósarhrepps. Málið beri keim af frægu atriði úr þáttunum Little Britain, það er „Computer says no“ eða „tölvan segir nei.“ „Við erum ekki hætt,“ segir Þorbjörg um baráttu Kjósamanna fyrir eigin póstnúmeri. Aðspurð um óskanúmer segist hún ekki hafa það. Það væri alveg eins gott að hafa sama númer, bara ef það stæði Kjós fyrir aftan.
Kjósarhreppur Mosfellsbær Pósturinn Stjórnsýsla Mest lesið Grét og sagði líf sitt búið eftir að hafa stungið þrjá Innlent Nefndir þingsins að taka á sig mynd Innlent Utankjörfundaratkvæði dagaði uppi á bæjarskrifstofum Kópavogs Innlent Nýtt hljóðmerki bílaeigendum til ama Innlent Tjón varð á yfir 20 bifreiðum vegna hola í höfuðborginni Innlent Kom Kolaportinu fyrir horn og leitar nú langtímalausna Innlent Heldur því fram að Efling sé hið raunverulega „gervistéttarfélag“ Innlent Tala látinna hækkar í LA og veðurspáin er óhagstæð Erlent Stjórnmálamenn fá ekki að tjá sig á 80 ára afmæli frelsunar Auschwitz Erlent Fimm handteknir í sérsveitaraðgerð á Akureyri Innlent Fleiri fréttir „Ég man ekki eftir álíka faraldri“ Fjöldi tilkynninga vegna fuglaflensu Skúr varð eldi að bráð Grét og sagði líf sitt búið eftir að hafa stungið þrjá Heldur því fram að Efling sé hið raunverulega „gervistéttarfélag“ Metfjöldi útkalla þyrlusveitar Gæslunnar Vill leggja fram nýja rammaáætlun á hverju þingi út kjörtímabilið Utankjörfundaratkvæði dagaði uppi á bæjarskrifstofum Kópavogs Einelti, óvelkomnir og öskur í heimahúsi Tjón varð á yfir 20 bifreiðum vegna hola í höfuðborginni Nefndir þingsins að taka á sig mynd Kom Kolaportinu fyrir horn og leitar nú langtímalausna Nýtt hljóðmerki bílaeigendum til ama Kiðlingarnir Frosti og Snær bræða alla í kringum sig Fann nítján dauðar gæsir í Vatnsmýrinni Völlurinn geti orðið ónothæfur á köflum Fimm handteknir í sérsveitaraðgerð á Akureyri „Stórkostlega undarlegt“ að þekktir gerendur séu ekki ákærðir Stór skjálfti reið yfir í Ljósufjallakerfinu Áhyggjur Icelandair af lokun flugbrautar og óþrjótandi píp-hljóð Mikilvægt að nýr formaður hafi breiða skírskotun Íbúar í Garði ósáttir við uppbyggingu á þekktu flóðasvæði Danir hafi sofnað á verðinum og Trump að hræra í pottinum Styrktartónleikar á Hvolsvelli fyrir mikið slasaðan bónda „Mogginn er ekki flokksblað Framsóknarflokksins“ Þrýstingur innan Framsóknar og veik staða Rússlands „Hrikalegir“ biðlistar hjá golfklúbbum í höfuðborginni Áhrif milljarðamæringa, áhugi á Grænlandi og brotthvarf Bjarna Kostnaður við nýja sánuklefa í Vesturbæ um 130 milljónir Lögreglan hljóp uppi ólátabelg í nótt Sjá meira