Setur stefnuna á undanúrslit EM Aron Guðmundsson skrifar 6. júní 2023 23:30 Ólafur Ingi Skúlason, þjálfari u19 karlaliðs Íslands í fótbolta Vísir/Skjáskot Leikmannahópur undir 19 ára karlalandsliðs Íslands í knattspyrnu, fyrir komandi Evrópumót á Möltu í næsta mánuði, var opinberaður í dag. Tveir af bestu leikmönnum liðsins, þeir Orri Steinn Óskarsson og Kristian Nökkvi Hlynsson, fengu ekki grænt ljós frá sínum félagsliðum á að leika með Íslandi á mótinu. Íslenska liðið á fyrir höndum ærið verkefni á EM á Möltu í næsta mánuði þar sem að liðið er í riðli með Spánverjum, Grikkjum og Norðmönnum. Ljóst er að Ólafur Ingi Skúlason, þjálfari liðsins, þarf að finna svör í leik sinna manna í tengslum við fjarveru Orra Steins og Kristians Nökkva, sem komu saman að flestum mörkum Íslands í undankeppni mótsins. Orri Steinn Óskarsson hefur skorað sex af síðustu níu mörkum u19 ára landsliðsinsVísir/Hulda Margrét „Hvorki Orri Steinn né Kristian Nökkvi fengu leyfi til þess að fara með okkur í mótið,“ sagði Ólafur Ingi eftir að hópur liðsins hafði verið opinberaður. „Það er eitthvað sem við vorum búnir að undirbúa. Félögin geta neitað okkur leikmennina og því vissum við að það væri möguleiki á því að þessir tveir leikmenn, sem eru á þessum tíma að fara hefja undirbúningstímabil með aðalliðum sinna félagsliða, fengju ekki að vera með.“ Hann segir stöðuna sem upp er komin aðallega svekkjandi fyrir leikmennina sjálfa. „Leiðinlegt fyrir þá að missa af möguleika á að fara í lokakeppni, það er gríðarleg reynsla sem þeir missa af þar og þeir hafa náttúrulega verið stór þáttur í þessu liði. Maður er því mest svekktur fyrir þeirra hönd.“ Ísland sé hins vegar með hörkulið, gott lið, það komi bara maður í manns stað. „Daníel Tristan Guðjohnsen kemur til að mynda inn í hópinn á ný. Hann var með okkur í nóvember og þar er á ferðinni frábær leikmaður. Svo eigum við leikmann eins og Hilmi Rafn Mikaelsson of fleiri sem geta skorað mörk. Ég hef engar áhyggjur af þessu. Kristian Nökkva er hins vegar að finna í landsliðshópi Íslands, sem er jafnan fyrsti landsliðshópurinn sem Åge Hareide velur. Ólafur Ingi setur sig ekki upp á móti því að Kristian Nökkvi leiki með A-landsliðinu í komandi verkefni. „A-liðið gengur alltaf fyrir og það var í rauninni aldrei neitt vandamál af okkar hálfu. Við vissum að Ajax myndi ekki hleypa honum í verkefnið með u19 liðinu og hann stendur til boða fyrir u21- og A-landslið okkar. Kristian Nökkvi Hlynsson er leikmaður hollenska stórliðsins Ajax og átti stóran þátt í að koma U19-landsliðinu á EM.VÍSIR/HULDA MARGRÉT Kristian Nökkvi er náttúrulega bara frábær leikmaður, framtíðar leikmaður íslenska landsliðsins. Ég fagna því bara að hann sé núna með A-landsliðinu, það er frábært tækifæri fyrir hann.“ Ólafur Ingi segir undirbúning fyrir komandi Evrópumót, sem fer fram í Möltu í næsta mánuði, ganga vel. „Við náum aðeins að hitta þá leikmenn sem eru hérna heima í glugganum. Þar munum við farið náið í ýmsa hluti sem við höfum kannski ekki tíma í að fara yfir í Möltu. Svo verður lagt af stað 30. júní en leikmenn eiga þangað til eftir að spila leiki með sínum félagsliðum. Menn verða því bara fyrst og fremst að halda sér í formi og spila vel með sínum liðum og mæta í góðu formi út til Möltu.“ Þá eru markmiðin skýr fyrir komandi mót. „Markmiðið er klárlega að komast upp úr riðlinum og í undanúrslit. Ég hef sagt það margoft í tengslum við þetta lið að þegar að við hittum á okkar dag, eins og við gerðum úti í Englandi þar sem við unnum Ungverja sem og Englendinga og gerum jafntefli við Tyrki, þá eigum við möguleika gegn öllum liðum. Ef við náum hámarks frammistöðu, þá tel ég okkur alveg geta komist upp úr þessum riðli.“ Klippa: Stefnan sett á undanúrslit á EM Landslið karla í fótbolta Mest lesið Er Donnarumma svarið frekar en nýr framherji? Enski boltinn Liverpool tilbúið að hætta eltingaleiknum við Isak Enski boltinn KR sækir ungan bakvörð út á landi Körfubolti „Sýna að maður eigi það skilið“ Körfubolti ÍBV fær liðsstyrk úr Laugardal Íslenski boltinn Reynsluboltinn Coady til liðs við Hollywood-lið Wrexham Enski boltinn Bein útsending: Dagur eitt á heimsleikunum í CrossFit 2025 Sport Fáránleg hegðun á Hlíðarenda: Plastglas í höfuð og miðfingur á loft Fótbolti Sigur í fyrsta leik hjá Jóhannesi Kristni Fótbolti Alfreð og fleiri jálkar með óvænt félagaskipti yfir í Augnablik Íslenski boltinn Fleiri fréttir Er Donnarumma svarið frekar en nýr framherji? ÍBV fær liðsstyrk úr Laugardal Reynsluboltinn Coady til liðs við Hollywood-lið Wrexham Sigur í fyrsta leik hjá Jóhannesi Kristni Liverpool tilbúið að hætta eltingaleiknum við Isak Jóhannes ræddi ekki við Val: „Ef ég ætlaði að fara frá KR var það alltaf bara út“ Dönsk þrenna á Akureyri, dramatík í Víkinni og óheppni á Hlíðarenda Newcastle hafnar tilboði Liverpool Niko markahæstur og Gylfi stoðsendingahæstur í Sambandsdeildinni Fáránleg hegðun á Hlíðarenda: Plastglas í höfuð og miðfingur á loft Kristján hættur sem þjálfari Vals en Matthías verður áfram Sagðir vilja borga helminginn fyrir Isak í ár og hinn helminginn ári síðar Netverslun Liverpool hrundi vegna álags Gaf tannlækninum teinanna sína Skoraði ekki í leiknum en dómararnir skráðu samt á hana tvö mörk Orri Hrafn í KR og getur spilað í Eyjum Missti ömmu sína á sama degi og hún vann EM Er Liverpool að styrkja rangan enda vallarins? Paquetá hreinsaður af ásökunum um veðmálasvindl Nýju leikmenn Liverpool komnir með númer Liðin sem verða að gera betur á markaðnum Allt liðið gekk út á völl í Súperman búningum Alfreð og fleiri jálkar með óvænt félagaskipti yfir í Augnablik Selvén aftur í Vestra „Mikil dramatík en verðskuldaður sigur“ „Heyri í mínum mönnum í FCK“ „Svekktur og stoltur á sama tíma“ „Sleikjum sárin í kvöld“ Orri Sigurður: Ekki eins og heimurinn sé að farast „Sætt að þetta gerðist á 91. mínútu“ Sjá meira
Íslenska liðið á fyrir höndum ærið verkefni á EM á Möltu í næsta mánuði þar sem að liðið er í riðli með Spánverjum, Grikkjum og Norðmönnum. Ljóst er að Ólafur Ingi Skúlason, þjálfari liðsins, þarf að finna svör í leik sinna manna í tengslum við fjarveru Orra Steins og Kristians Nökkva, sem komu saman að flestum mörkum Íslands í undankeppni mótsins. Orri Steinn Óskarsson hefur skorað sex af síðustu níu mörkum u19 ára landsliðsinsVísir/Hulda Margrét „Hvorki Orri Steinn né Kristian Nökkvi fengu leyfi til þess að fara með okkur í mótið,“ sagði Ólafur Ingi eftir að hópur liðsins hafði verið opinberaður. „Það er eitthvað sem við vorum búnir að undirbúa. Félögin geta neitað okkur leikmennina og því vissum við að það væri möguleiki á því að þessir tveir leikmenn, sem eru á þessum tíma að fara hefja undirbúningstímabil með aðalliðum sinna félagsliða, fengju ekki að vera með.“ Hann segir stöðuna sem upp er komin aðallega svekkjandi fyrir leikmennina sjálfa. „Leiðinlegt fyrir þá að missa af möguleika á að fara í lokakeppni, það er gríðarleg reynsla sem þeir missa af þar og þeir hafa náttúrulega verið stór þáttur í þessu liði. Maður er því mest svekktur fyrir þeirra hönd.“ Ísland sé hins vegar með hörkulið, gott lið, það komi bara maður í manns stað. „Daníel Tristan Guðjohnsen kemur til að mynda inn í hópinn á ný. Hann var með okkur í nóvember og þar er á ferðinni frábær leikmaður. Svo eigum við leikmann eins og Hilmi Rafn Mikaelsson of fleiri sem geta skorað mörk. Ég hef engar áhyggjur af þessu. Kristian Nökkva er hins vegar að finna í landsliðshópi Íslands, sem er jafnan fyrsti landsliðshópurinn sem Åge Hareide velur. Ólafur Ingi setur sig ekki upp á móti því að Kristian Nökkvi leiki með A-landsliðinu í komandi verkefni. „A-liðið gengur alltaf fyrir og það var í rauninni aldrei neitt vandamál af okkar hálfu. Við vissum að Ajax myndi ekki hleypa honum í verkefnið með u19 liðinu og hann stendur til boða fyrir u21- og A-landslið okkar. Kristian Nökkvi Hlynsson er leikmaður hollenska stórliðsins Ajax og átti stóran þátt í að koma U19-landsliðinu á EM.VÍSIR/HULDA MARGRÉT Kristian Nökkvi er náttúrulega bara frábær leikmaður, framtíðar leikmaður íslenska landsliðsins. Ég fagna því bara að hann sé núna með A-landsliðinu, það er frábært tækifæri fyrir hann.“ Ólafur Ingi segir undirbúning fyrir komandi Evrópumót, sem fer fram í Möltu í næsta mánuði, ganga vel. „Við náum aðeins að hitta þá leikmenn sem eru hérna heima í glugganum. Þar munum við farið náið í ýmsa hluti sem við höfum kannski ekki tíma í að fara yfir í Möltu. Svo verður lagt af stað 30. júní en leikmenn eiga þangað til eftir að spila leiki með sínum félagsliðum. Menn verða því bara fyrst og fremst að halda sér í formi og spila vel með sínum liðum og mæta í góðu formi út til Möltu.“ Þá eru markmiðin skýr fyrir komandi mót. „Markmiðið er klárlega að komast upp úr riðlinum og í undanúrslit. Ég hef sagt það margoft í tengslum við þetta lið að þegar að við hittum á okkar dag, eins og við gerðum úti í Englandi þar sem við unnum Ungverja sem og Englendinga og gerum jafntefli við Tyrki, þá eigum við möguleika gegn öllum liðum. Ef við náum hámarks frammistöðu, þá tel ég okkur alveg geta komist upp úr þessum riðli.“ Klippa: Stefnan sett á undanúrslit á EM
Landslið karla í fótbolta Mest lesið Er Donnarumma svarið frekar en nýr framherji? Enski boltinn Liverpool tilbúið að hætta eltingaleiknum við Isak Enski boltinn KR sækir ungan bakvörð út á landi Körfubolti „Sýna að maður eigi það skilið“ Körfubolti ÍBV fær liðsstyrk úr Laugardal Íslenski boltinn Reynsluboltinn Coady til liðs við Hollywood-lið Wrexham Enski boltinn Bein útsending: Dagur eitt á heimsleikunum í CrossFit 2025 Sport Fáránleg hegðun á Hlíðarenda: Plastglas í höfuð og miðfingur á loft Fótbolti Sigur í fyrsta leik hjá Jóhannesi Kristni Fótbolti Alfreð og fleiri jálkar með óvænt félagaskipti yfir í Augnablik Íslenski boltinn Fleiri fréttir Er Donnarumma svarið frekar en nýr framherji? ÍBV fær liðsstyrk úr Laugardal Reynsluboltinn Coady til liðs við Hollywood-lið Wrexham Sigur í fyrsta leik hjá Jóhannesi Kristni Liverpool tilbúið að hætta eltingaleiknum við Isak Jóhannes ræddi ekki við Val: „Ef ég ætlaði að fara frá KR var það alltaf bara út“ Dönsk þrenna á Akureyri, dramatík í Víkinni og óheppni á Hlíðarenda Newcastle hafnar tilboði Liverpool Niko markahæstur og Gylfi stoðsendingahæstur í Sambandsdeildinni Fáránleg hegðun á Hlíðarenda: Plastglas í höfuð og miðfingur á loft Kristján hættur sem þjálfari Vals en Matthías verður áfram Sagðir vilja borga helminginn fyrir Isak í ár og hinn helminginn ári síðar Netverslun Liverpool hrundi vegna álags Gaf tannlækninum teinanna sína Skoraði ekki í leiknum en dómararnir skráðu samt á hana tvö mörk Orri Hrafn í KR og getur spilað í Eyjum Missti ömmu sína á sama degi og hún vann EM Er Liverpool að styrkja rangan enda vallarins? Paquetá hreinsaður af ásökunum um veðmálasvindl Nýju leikmenn Liverpool komnir með númer Liðin sem verða að gera betur á markaðnum Allt liðið gekk út á völl í Súperman búningum Alfreð og fleiri jálkar með óvænt félagaskipti yfir í Augnablik Selvén aftur í Vestra „Mikil dramatík en verðskuldaður sigur“ „Heyri í mínum mönnum í FCK“ „Svekktur og stoltur á sama tíma“ „Sleikjum sárin í kvöld“ Orri Sigurður: Ekki eins og heimurinn sé að farast „Sætt að þetta gerðist á 91. mínútu“ Sjá meira