Ekki bara læti í Kötlu í Mýr­dals­jökli heldur einnig í Laugar­dalnum

Hér fyrir neðan má sjá mörkin úr leiknum í Laugardalnum í gærkvöldi.

Katla skoraði þriðja markið og lagði upp annað markið með frábærri stoðsendingu. Katla var mjög ágangshörð í leiknum og oft nálægt því að bæta við fleiri mörkum. Hún reyndi alls sjö skot í leiknum.

Það hafa verið fréttir af jarðskjálftum og látum í Kötlu í Mýrdalsjökli en Katla minnti líka á sig í Laugardalnum í gærkvöldi.

Katherine Amanda Cousins skoraði fyrsta markið með skutluskalla á 32. mínútu eftir fyrirgjöf frá Sæunni Björnsdóttur.

Freyja Karín Þorvarðardóttir kom Þrótti í 2-0 í uppbótatíma fyrri hálfleiks eftir snilldarstungusendingu frá Kötlu.

Katla innsiglaði síðan sjálf sigurinn í uppbótatíma leiksins eftir að hafa fengið stungusendingu frá Sierru Marie Leli.

Katla er nú komin með þrjú mörk og fjórar stoðsendingar í Bestu deildinni í sumar.

Hér fyrir neðan má sjá mörkin úr leiknum í gærkvöldi.