Fjör með Bylgju­lestinni á Írskum dögum

Boðið var upp á fjölbreytta dagskrá fyrir fólk á öllum aldri og Bylgjan var í beinni útsendingu á laugardag milli kl. 12 og 16.

Lestarstjórar að þessu sinni eru þau Svali Kaldalóns, Vala Eiríks og Ómar Úlfur sem fengu góða gesti til sín og ræddu við hlustendur.

Þrátt fyrir sólarleysið og vætuna var afar góð stemning í bænum á laugardag eins og myndirnar sem Hulda Margrét tók sýna glögglega.

Geggjaðir matarvagnar frá Götubitanum voru á staðnum, samstarfsaðilar Bylgjunnar settu upp leiki og fyrstu krakkarnir sem mættu fengu gjafapoka.

Næsti viðkomustaður Bylgjulestarinnar er Selfoss en þar verður hún laugardaginn 8. júlí.

Bylgjulestin, björt og brosandi um land allt í sumar.