Fjárhagsreglur UEFA hafa verið við lýði í nokkur ár en þær voru settar til að reyna að koma í veg fyrir að lið skiluðu stórfelldi tapi ár eftir ár.
Tilkynning UEFA um sektir United og Barcelona var send út í morgun en þær eru tilkomnar vegna brota á tímabilinu 2022-23.
UEFA ruling: Barcelona fined 500,000 for wrongly reporting profits on disposal of intangible assets (other than player transfers) which are not a relevant income under the regulations.
— Rob Harris (@RobHarris) July 14, 2023
Manchester United fined 300,000 for
minor break-even deficits
United er sektað fyrir minniháttar brot en félagið skilaði meira tapi á síðasta fjárhagsári en lög UEFA leyfa.
„Þó við séum svekkt með niðurstöðuna þá samþykkir Manchester United þessa sekt fyrir það sem UEFA telur vera minniháttar tæknilegt brot á fjárhagsreglum sem þá voru í gildi,“ segir í yfirlýsingu Manchester United.
Í yfirlýsingu United kemur fram að félagið hafi tapað miklum fjármunum vegna kórónuveirufaraldursins en tekur jafnframt fram að sölutölur séu jákvæðar fyrir komandi tímabil.
Sekt Barcelona er tilkomin vegna þess að félagið gaf rangar upplýsingar vegna sölu á eignum félagsins. Sekt United hljóðar upp á 300.000 pund en Barcelona þarf að borga UEFA 500.000 pund.
