Stal brimbretti af barni og al­mennt með stæla

Í myndbandsfréttinni hér að neðan má sjá otur hrekja barn af brimbretti og reyna að synda með brettið á brott. Otrar sjást oft á svæðinu þar sem þeir keppast við að gera brimbrettaköppum lífið leitt með því að naga í brettin, en þessi tiltekni otur er sagður ganga lengra en félagar sínir og þykir sérstaklega ágengur.

„Þegar fólk brunar á brimbretti hér eru otrar á staðnum. Þeir naga ólarnar og klifra upp á brimbrettin. En þessi otur virtist skæður þegar hann elti strákinn,“ segir Hank Scott, brimbrettakappi.

Vandamálið er orðið svo þrálátt að tilefni hefur þótt til að vara við þessum eina otri. Hann ólst upp í haldi en var sleppt út í náttúruna árið 2020.

„Þessi otur er með senditæki svo við getum hlustað á merkið frá henni. Þá getum við séð hvar hún er. Hún er líka með merki á bægslinu svo við getum séð hana úr fjarlægð,“ sagði Jessica Fujii, hjá Sea Otter samtökunum.

Reyna að lokka hann með brimbretti

Dýralífsyfirvöld hafa gert nokkrar tilraunir til að fanga hann og koma af svæðinu án árangurs.

„Það er ekki hægt að kasta neti yfir hana í sjónum. Það er ekki hægt að svæfa hana því þá gæti hún drukknað. Þeir þurfa nauðsynlega að ná henni. Þeir hafa notað bretti með beitu. Kafari fer í sjóinn og dregur bretti sem hún klifrar upp á. Kafarinn syndir með brettið að bátnum. Þegar brettið nálgast bátinn stingur hún sér í sjóinn,“ Mark Woodward, ljósmyndari.