Veður

Hlýtt og bjart á Vestur­landi en skýjað annars staðar

Magnús Jochum Pálsson skrifar
Það er búið að vera ansi gott sumarveður í Reykjavík undanfarna daga.
Það er búið að vera ansi gott sumarveður í Reykjavík undanfarna daga. Vísir/Vilhelm

Norðaustlæg eða breytileg átt í dag, víða gola eða kaldi en strekkingur við suðausturströndina. Skýjað að mestu og sums staðar dálítil væta, en bjartara veður á Vesturlandi. Hiti á bilinu átta til sautján stig.

Þetta segir um veðurhorfur á landinu í dag á vef Veðurstofunnar.

Víðast hvar verða þrír til tíu metrar á sekúndu en við suðausturströndina verða það átta til þrettán metrar á sekúndu. Heldur bjart og hlýtt og svalast við norður- og austurströndina.

Á morgun verður hægari vindur en nokkuð svipað veður og í dag.

Áfram hlýtt veður næstu daga

Svona verða veðurhorfurnar á landinu næstu daga:

Á mánudag og þriðjudag: Hæg norðaustlæg eða breytileg átt. Skýjað að mestu og dálítil væta á stöku stað, en bjart með köflum og þurrt á Suðvestur- og Vesturlandi. Hiti átta til sautján stig, hlýjast um landið suðvestanvert.

Á miðvikudag og fimmtudag: Hæg breytileg átt. Allvíða bjart með köflum og líkur á stöku skúrum en þokulofti með austurströndinni. Hiti sjö til sextán stig, mildast á Suðurlandi.

Á föstudag: Vestlæg átt og skýjað en úrkomulítið. Hiti átta til sextán stig.

Veður

Mest lesið


Fleiri fréttir

Sjá meira


×

Mest lesið