Eldgleypar að störfum við Ráðhúsið.Steingrímur Dúi
Eldgleypar skemmtu vegfarendum við Ráðhús Reykjavíkur, á horni Tjarnargötu og Vonarstrætis, í tilefni af Menningarnótt eins og sést á þessum myndum ljósmyndara Vísis. Einnig mátti sjá skuggalega hersingu Svarthöfða og félaga hans úr Stjörnustríði þramma Vonarstrætið.
Ríflega 400 viðburðir eru á dagskrá Menningarnætur sem lýkur með flugeldasýningu klukkan 23:00 í kvöld.
Meðal annars fara fram stórtónleikar í Hljómskálagarðinum og við Arnarhól, myndlistarsýning á Kjarvalsstöðum, klippismiðja í Hafnarhúsinu, sirkus í Iðnó og barnasöngstund í Mengi.
