Megan Rapinoe leggur landsliðsskóna á hilluna í lok næsta mánaðar

Bandaríkin og Suður-Afríka mætast í vináttuleik þann 24. september næstkomandi og verður það síðasti landsleikur hinnar 38 ára gömlu Rapinoe.

Rapinoe á að baki hvorki fleiri né færri en 202 leiki fyrir bandaríska landsliðið, þann fyrsta árið 2006, þar sem hún hefur skorað 63 mörk og er þar með tíunda markahæsta landsliðskona Bandaríkjanna frá upphafi.

Hún hefur áður gefið út að hún muni leggja skóna alfarið á hilluna í nóvember þegar bandaríska deildarkeppnin klárast.

Rapinoe á að baki langan og farsælan feril þar sem hún hefur meðal annars orðið heimsmeistari í tvígang með bandaríska landsliðinu árin 2015 og 2019. Þá var hún valin besti leikmaður heims árið 2019 ásamt því að verða Ólympíumeistari með Bandaríkjunum árið 2012.