Stöð 2 Sport
Valur og Haukar eigast við í sannkölluðum stórleik í Subway-deild kvenna í körfubolta klukkan 19:00. Að leik loknum er Subway Körfuboltakvöld svo á dagskrá þar sem farið verður yfir allt það helsta úr liðinni umferð.
Stöð 2 Sport 2
UEFA Youth League er á sínum stað á Stöð 2 Sport 2 og í dag fylgjumst við með viðureignum Leipzig og Manchester City klukkan 11:55 annars vegar og Porto og Barcelona klukkan 13:55 hins vegar.
Klukkan 18:30 hefst svo Meistaradeildarmessan þar sem sérfræðingar Stöðvar 2 Sports fylgjast með öllum leikjum kvöldsins í Meistaradeildinni. Meistaradeildarmörkin fara svo af stað að leikjunum loknum þar sem leikirnir verða gerðir upp.
Stöð 2 Sport 3
Antwerp og Shakhtar Donetsk mætast í Meistaradeild Evrópu klukkan 16:35 áður en Newcastle tekur á móti franska stórveldinu Paris Saint-Germain klukkan 18:50.
Stöð 2 Sport 4
Barcelona sækir Porto heim klukkan 18:50 í H-riðli Meistaradeildar Evrópu.
Stöð 2 Sport 5
Rauða Stjarnan og Young Boys eigast við klukkan 18:50 í G-riðli Meistaradeildar Evrópu.
Vodafone Sport
Tveir leikir í Meistaradeild Evrópu verða á dagskrá á Vodafone Sport í dag. Atlético Madrid tekur á móti Feyenoord klukkan 16:35 og klukkan 18:50 mætast Leipzig og Manchester City.
Stöð 2 eSport
Blast Premier-mótaröðin í CS:GO heldur áfram og í dag verða þrjár viðureignir í beinni útsendingu. Upphitun hefst á slaginu klukkan 12:40 og viðureignirnar þrjár fylgja svo í kjölfarið.
