Beckham leysir frá skjóðunni í nýjum heimildaþáttum sem eru nú aðgengilegir á streymisveitunni Netflix.
Það er margfrægt atvik milli Ferguson og Beckham þegar að sá fyrrnefndi sparkaði skó í Beckham eftir leik Manchester United gegn Arsenal í enska bikarnum árið 2003.
Manchester United tapaði þeim leik 2-0 og kenndi Ferguson, Beckham um seinna markið sem Manchester United fékk á sig í leiknum.
„Við gengum inn til búningsherbergja og það sýður á honum (Ferguson),“ segir Beckham í nýju heimildarþáttaröðinni. „Ég sé það bara á andlitinu á honum að hann er reiður. Þegar að maður sér andlit hans svona þá vill maður ekki vera nálægt honum.“
Beckham segir Ferguson ekki hafa sparað blótsyrðin á þessari stundu en leikmaðurinn ákvað að svara stjóranum fullum hálsi.
„Ég svaraði einhverju hjá honum með orðinu nei, blótaði í kjölfarið. Sagði honum að fara til fjandans. Þá breyttist allt. Innra með mér sá ég strax eftir þessu. Ég hafði sagt F-orðið allt of oft þarna.“
Ferguson sparkaði þá í skó sem hafnaði í andliti Beckham.
