Martinez ber virðingu fyrir Íslandi: Nefnir tvo leikmenn sem hafa hrifið hann Aron Guðmundsson skrifar 19. nóvember 2023 13:00 Roberto Martinez, landsliðsþjálfari portúgalska karlalandsliðsins í fótbolta ber mikla virðingu fyrir íslenska landsliðinu og hugarfarinu sem einkennir leikmenn þess Vísir Roberto Martinez, landsliðsþjálfari portúgalska karlalandsliðsins í fótbolta, segir sitt lið bera virðingu fyrir íslenska landsliðinu en liðin mætast í lokaumferð undankeppni EM 2024 í Lisabon í kvöld. Á sínum degi geti íslenska landsliðið veitt hvaða liði sem er leik. Aron Guðmundsson skrifar frá Lissabon. Aðspurður hverja hann teldi vera helstu styrkleika íslenska landsliðsins hafði Martinez þetta að segja: „Skipulagið og ég elska hugarfarið sem Ísland býr yfir sem lið. Við urðum öll ástfangin og hrifumst með tilfinningunum sem Ísland færði knattspyrnuheiminum á EM árið 2016 og ég tel leifar af því enn búa í liðinu," segir Martinez í samtali við Vísi. „Þetta er mjög áhrifaríkt lið sem getur verið mjög skeinuhætt í sínum aðgerðum. Liðið sýnir mikla ákefð í varnarleik sínum og getur skapað færi upp úr engu á skömmum tíma.“ Klippa: Roberto Martinez: Á sínum degi getur Ísland veitt hvaða liði sem er leik Hefur hrifist af Orra og Andra Lucasi „Við þurfum því að vera vel á verði á morgun. Þetta er lið sem við berum virðingu fyrir. Við vitum að þarna er að eiga sér stað uppbygging með nýjum leikmönnum. Leikmenn sem hafa nú þegar látið til sín taka, ég nefni sem dæmi Orra Stein Óskarsson og Andra Lucas Guðjohnsen. Þegar á öllu er á botninn hvolft vitum við að til þess að vinna þennan leik þurfum við að vera upp á okkar besta.“ Orri Óskarsson hefur komið vel inn í íslenska A-landsliðiðVísir/Hulda Margrét Kemur sú staðreynd, að Ísland hafi raunar aldrei verið í almennilegri baráttu um að komast upp úr þessum riðli, þér á óvart? „Þetta snýst á endanum alltaf um einstök úrslit hér og þar. Ég tel að úrslit liðsins til að mynda á móti Slóvakíu heima hafi verið mjög óheppileg. Þar var um að ræða leik sem Ísland átti skilið að vinna. Ef eitthvað er þá eru það svona úrslit, þessi stig sem þú missir af, sem verða þess valdandi að þú ert úr leik í baráttunni fremur en að verða þess valdandi að þú eigir séns. Á sínum degi getur þetta íslenska lið veitt hvaða liði sem er leik. Það hefur ekkert breyst.“ Að mörgu að huga fyrir EM Portúgal hefur fyrir löngu tryggt sér fyrsta sæti riðilsins og um leið EM sæti. Liðið hefur unnið alla sína leiki til þessa, skorað 34 mörk og aðeins fengið á sig tvö og getur með sigri á Íslandi í kvöld innsiglað magnað taplaust gengi sitt í undankeppninni. Hafandi nú þegar tryggt ykkur sæti á EM, ertu að nýta þetta tækifæri til þess að nýta leikmannahópinn betur í leit að fleiri valkostum eða muntu spila þínu besta liði? „Það er svolítið beggja blands. Það eru nokkrir sterkir leikmenn fjarverandi hjá okkur og aðeins þrír leikir á dagskránni hjá okkur fram að Evrópumóti næsta árs. Eins og þú getur ímyndað þér þá þurfum við að búa til samkeppni um stöður í liðinu hjá okkur, þurfum að mynda okkur skoðun á því hvaða 23 leikmenn munu ferðast með okkur á Evrópumótið. Við höfum verið að spila á einhverjum 33-34 leikmönnum undanfarið og því er þetta verkefni alltaf undirliggjandi hjá okkur. Við þurfum að sjá til þess að vera með okkar besta lið í höndunum og taka þar tillit til margra þátta. Framundan er krefjandi tímabil þar sem að leikmenn eru að spila margar mínútur með sínum félagsliðum í landsdeildunum þar sem og í öðrum Evrópukeppnum. Þetta eru allt þættir sem við tökum inn í jöfnuna og vonumst til að útkoma okkar vinnu skili sér í vel skipulögðu og stöðugu liði sem getur um leið ýtt undir bestu einstaklings hæfileika okkar leikmanna.“ Endurkoma Gylfa góðar fréttir Roberto Martinez á að baki margra ára feril í Englandi þar sem að hann þjálfaði meðal annars í ensku úrvalsdeildinni. Hann þekkir því vel til Gylfa Þórs Sigurðssonar sem spilaði lengi vel í deildinni og sneri í síðasta landsliðsverkefni aftur í íslenska landsliðið eftir um tveggja og hálfs árs fjarveru. Gylfi Þór er ekki með íslenska landsliðinu í yfirstandandi verkefni vegna meiðsla en Martinez segir endurkomu hans frábærar fréttir fyrir íslenska landsliðið. „Hæfileikar hans eru ótvíræðir og án efa er Ísland betra lið þegar að Gylfi Þór er innan raða þess. Það er frábært að sjá hann aftur inn á knattspyrnuvellinum, til að mynda það sem hann gerði í leik Íslands gegn Liechtenstein á dögunum. Hvað þetta varðar er endurkoma hans góðar fréttir fyrir íslenska knattspyrnu.“ Leikur Portúgal og Íslands í undankeppni EM 2024 verður sýndur í beinni útsendingu og opinni dagskrá á Stöð 2 Sport og hefst upphitun klukkan 19:10. Leikar hefjast svo korter í átta. Landslið karla í fótbolta EM 2024 í Þýskalandi Mest lesið „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Gísli Þorgeir bar af í Íslendingaslag kvöldsins Handbolti Atlético lagði sprækt lið Leipzig Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Rómverjar búnir að finna eftirmann De Rossi Sjá meira
Aron Guðmundsson skrifar frá Lissabon. Aðspurður hverja hann teldi vera helstu styrkleika íslenska landsliðsins hafði Martinez þetta að segja: „Skipulagið og ég elska hugarfarið sem Ísland býr yfir sem lið. Við urðum öll ástfangin og hrifumst með tilfinningunum sem Ísland færði knattspyrnuheiminum á EM árið 2016 og ég tel leifar af því enn búa í liðinu," segir Martinez í samtali við Vísi. „Þetta er mjög áhrifaríkt lið sem getur verið mjög skeinuhætt í sínum aðgerðum. Liðið sýnir mikla ákefð í varnarleik sínum og getur skapað færi upp úr engu á skömmum tíma.“ Klippa: Roberto Martinez: Á sínum degi getur Ísland veitt hvaða liði sem er leik Hefur hrifist af Orra og Andra Lucasi „Við þurfum því að vera vel á verði á morgun. Þetta er lið sem við berum virðingu fyrir. Við vitum að þarna er að eiga sér stað uppbygging með nýjum leikmönnum. Leikmenn sem hafa nú þegar látið til sín taka, ég nefni sem dæmi Orra Stein Óskarsson og Andra Lucas Guðjohnsen. Þegar á öllu er á botninn hvolft vitum við að til þess að vinna þennan leik þurfum við að vera upp á okkar besta.“ Orri Óskarsson hefur komið vel inn í íslenska A-landsliðiðVísir/Hulda Margrét Kemur sú staðreynd, að Ísland hafi raunar aldrei verið í almennilegri baráttu um að komast upp úr þessum riðli, þér á óvart? „Þetta snýst á endanum alltaf um einstök úrslit hér og þar. Ég tel að úrslit liðsins til að mynda á móti Slóvakíu heima hafi verið mjög óheppileg. Þar var um að ræða leik sem Ísland átti skilið að vinna. Ef eitthvað er þá eru það svona úrslit, þessi stig sem þú missir af, sem verða þess valdandi að þú ert úr leik í baráttunni fremur en að verða þess valdandi að þú eigir séns. Á sínum degi getur þetta íslenska lið veitt hvaða liði sem er leik. Það hefur ekkert breyst.“ Að mörgu að huga fyrir EM Portúgal hefur fyrir löngu tryggt sér fyrsta sæti riðilsins og um leið EM sæti. Liðið hefur unnið alla sína leiki til þessa, skorað 34 mörk og aðeins fengið á sig tvö og getur með sigri á Íslandi í kvöld innsiglað magnað taplaust gengi sitt í undankeppninni. Hafandi nú þegar tryggt ykkur sæti á EM, ertu að nýta þetta tækifæri til þess að nýta leikmannahópinn betur í leit að fleiri valkostum eða muntu spila þínu besta liði? „Það er svolítið beggja blands. Það eru nokkrir sterkir leikmenn fjarverandi hjá okkur og aðeins þrír leikir á dagskránni hjá okkur fram að Evrópumóti næsta árs. Eins og þú getur ímyndað þér þá þurfum við að búa til samkeppni um stöður í liðinu hjá okkur, þurfum að mynda okkur skoðun á því hvaða 23 leikmenn munu ferðast með okkur á Evrópumótið. Við höfum verið að spila á einhverjum 33-34 leikmönnum undanfarið og því er þetta verkefni alltaf undirliggjandi hjá okkur. Við þurfum að sjá til þess að vera með okkar besta lið í höndunum og taka þar tillit til margra þátta. Framundan er krefjandi tímabil þar sem að leikmenn eru að spila margar mínútur með sínum félagsliðum í landsdeildunum þar sem og í öðrum Evrópukeppnum. Þetta eru allt þættir sem við tökum inn í jöfnuna og vonumst til að útkoma okkar vinnu skili sér í vel skipulögðu og stöðugu liði sem getur um leið ýtt undir bestu einstaklings hæfileika okkar leikmanna.“ Endurkoma Gylfa góðar fréttir Roberto Martinez á að baki margra ára feril í Englandi þar sem að hann þjálfaði meðal annars í ensku úrvalsdeildinni. Hann þekkir því vel til Gylfa Þórs Sigurðssonar sem spilaði lengi vel í deildinni og sneri í síðasta landsliðsverkefni aftur í íslenska landsliðið eftir um tveggja og hálfs árs fjarveru. Gylfi Þór er ekki með íslenska landsliðinu í yfirstandandi verkefni vegna meiðsla en Martinez segir endurkomu hans frábærar fréttir fyrir íslenska landsliðið. „Hæfileikar hans eru ótvíræðir og án efa er Ísland betra lið þegar að Gylfi Þór er innan raða þess. Það er frábært að sjá hann aftur inn á knattspyrnuvellinum, til að mynda það sem hann gerði í leik Íslands gegn Liechtenstein á dögunum. Hvað þetta varðar er endurkoma hans góðar fréttir fyrir íslenska knattspyrnu.“ Leikur Portúgal og Íslands í undankeppni EM 2024 verður sýndur í beinni útsendingu og opinni dagskrá á Stöð 2 Sport og hefst upphitun klukkan 19:10. Leikar hefjast svo korter í átta.
Landslið karla í fótbolta EM 2024 í Þýskalandi Mest lesið „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Gísli Þorgeir bar af í Íslendingaslag kvöldsins Handbolti Atlético lagði sprækt lið Leipzig Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Rómverjar búnir að finna eftirmann De Rossi Sjá meira