Tónlist

Heillaði dómarana upp úr skónum og Daníel Ágúst táraðist

Dóra Júlía Agnarsdóttir skrifar
Anna Fanney sló í gegn í fyrstu dómaraprufunni sinni í Idolinu. Hún var stressuð en lét það ekki hafa nein áhrif á flutninginn.
Anna Fanney sló í gegn í fyrstu dómaraprufunni sinni í Idolinu. Hún var stressuð en lét það ekki hafa nein áhrif á flutninginn. SAMSETT

Idolið hóf göngu sína á ný síðastliðið föstudagskvöld og mátti þar sjá fjölbreyttan hóp tónlistarfólks spreyta sig á dómaraprufum. 

Á meðal keppenda var Anna Fanney og má segja að flutningur hennar hafi algjörlega slegið í gegn.  

Hér má sjá flutning Önnu Fanneyjar:

Klippa: Daníel Ágúst táraðist

Aðspurð hvað það sé sem hræði hana svaraði hún:

„Ég held að það sé bara að vera fyrir framan einhvern að syngja. Það er svolítið stressandi. Þegar ég var yngri var aðal draumurinn minn að verða söngkona en það hefur svolítið dottið niður því ég er orðin svolítið feimin.“

Þegar Anna Fanney stóð fyrir framan dómarana hvöttu þeir hana til þess að láta stressið ekki ná til sín.

„Ég þori ekki einu sinni að syngja fyrir framan mömmu þannig að ég veit ekki alveg hvernig ég þori að standa hérna,“ sagði Anna áður en hún flutti lagið Walk Away með Christinu Aguilera.

Dómararnir heilluðust upp úr skónum og uppskar Anna Fanney lófaklapp eftir flutninginn. Öll hrósuðu þau henni.

„Ég táraðist bara, þetta var svo innilega fallegt og frábært,“ sagði Daníel Ágúst hálf hrærður.

Idol Tónlist

Tengdar fréttir

Idolkviss: Hvað veistu um Idol-stjörnuleit?

Hversu vel hefur þú fylgst með Idol-stjörnuleit í gegnum árin? Spreyttu þig í Idol-kvissinu til þess að komast að því. Að launum er montréttur fyrir góða frammistöðu.

Dómaraprufum Idol lokið

Fyrstu dómaraprufum Idol er lokið og hafa örlög þeirra sem komust áfram verið ráðin. 

Öruggari með sjálfa sig en nokkru sinni fyrr

„Mér finnst ég sitja betur í sjálfri mér í dag,“ segir tónlistarkonan, Idol stjarnan og nýbakaða móðirin Saga Matthildur. Blaðamaður settist niður með henni og fékk að heyra frá viðburðaríku ári hennar.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.