„Ég get ekki séð að við séum fyrir neinum“ Margrét Björk Jónsdóttir skrifar 4. desember 2023 19:42 Ragna fagnar 85 ára afmæli á morgun og segist vonast til að ná að eyða mörgum sumrum í viðbót í húsinu sínu fallega í Heiðmörk. Vísir/Einar Orkuveita Reykjavíkur hefur höfðað útburðarmál á hendur hóps sumarhúsaeigenda í Heiðmörk. Kona sem ólst upp á svæðinu og fagnar 85 ára afmæli á morgun segist ekki munu láta húsið sitt af hendi án baráttu. Í miðri Heiðmörk, útivistarperlu Reykvíkinga, standa nokkur sumarhús sem sum voru byggð á tímum seinni heimstyrjaldarinnar. Eigendurnir eru margir á níræðis-og tíræðisaldri. Landið er í eigu Orkuveitu Reykjavíkur sem nú hefur höfðað aðfarargerð gegn eigendum átta sumarhúsa. Í kvöldfréttum Stöðvar 2 hittum við Rögnu Þorsteins, eiganda eins elsta sumarhússins. Hún hefur eytt öllum sumrum frá unga aldri í sumarbústað fjölskyldunnar sem gengið hefur kynslóða á milli og lýsir lífinu í sveitinni í fréttinni. „Hingað fluttum við á vorin eftir skóla. Við fórum á vörubíl með börnin, blómin, saumavélina og sængurföt, og gömlu afasysturina sem bjó hjá okkur þangað til hún dó. Þetta voru yndisleg sumur. Svo var farið aftur í bæinn á veturna í skólann.“ Kaldar kveðjur í tilefni afmælis Ragna fagnar 85 ára afmæli á morgun og segir Orkuveituna og Reykjavíkurborg senda sér kaldar kveðjur í tilefni dagsins. „Á í alvöru að fara bera okkur út eftir allan þennan tíma með engum rökum? Mér finnst það svolítið sárt og ljótt, satt að segja.“ Ég get ekki séð að við séum fyrir neinum. „Okkar vatni stafar engin hætta af þessu fólki þarna í Heiðmörk“ Katrín Oddsdóttir er lögmaður Rögnu en hún segir í raun og veru ekkert valda því að til standi að reka fólkið í burtu. Vatnsbólum stafi ekki hætta af bústöðunum því þeir standi neðst á svæðunum og engir bústaðir séu á skilgreindum brunnsvæðum vatnsverndar. Húsið er tæplega hundrað ára gamalt og er fjölskyldunni einstaklega dýrmætt. Vísir/Einar „Aðalskipulag Reykjavíkurborgar tekur sérstaklega á því að þessi hús geti verið þarna í samræmi við vatnsverndarskipulag á svæðinu,“ segir Katrín. „Okkar vatni stafar engin hætta af þessu fólki þarna í Heiðmörk. Það er mjög óheppilegt að hvergi sé hægt að finna fundargerð um það hvers vegna þetta ofboðslega offors hefur hlaupið í Orkuveituna, og Reykjavíkurborg virðist heldur ekki geta gripið í taumana. Þetta er bara mjög undarleg staða satt að segja.“ Segja Heilbrigðiseftirlitið hafa lýst yfir áhyggjum Búseta á grannsvæðum vatnsverndar er óheimil en í tilkynningu sem Orkuveitan sendi frá sér í dag kemur fram að afstaða fyrirtækisins hafi legið fyrir í um tuttugu ár. Þegar hafi náðst samkomulag við meirihluta sumarhúseigenda í Heiðmörk um hvernig byggð þar leggist af. „Núverandi vatnsvernd höfuðborgarsvæðisins, sem var samþykkt af öllum sveitarfélögunum árið 2015, er alveg skýr um það að íbúabyggð er bönnuð innan vatnsverndarinnar. Yfirstandandi dómsmál OR er gagnvart húseigendum á svæðinu sem hafa alfarið hafnað samningum. Þau sem gengið hafa til samninga við OR halda húsum sínum til ársins 2030,“ segir í tilkynningunni. „Almenna reglan er sú að heilsársbúseta í frístundahúsum er ekki heimil og hefur til að mynda Heilbrigðiseftirlit Reykjavíkur lýst áhyggjum af viðvarandi búsetu innan vatnsverndarinnar.“ Katrín Oddsdóttir, lögmaður Rögnu, segir málið allt hið undarlegasta.Vísir/Vilhelm Katrín bendir á að Minjastofnum og Borgarsögusafn Reykjavíkur hafi fengið augastað á byggðinni sem menningarlegum verðmætum, en elsti bústaðurinn er frá 1908. Tvö hús hafa þegar verið friðuð og mörg önnur eru umsagnarskyld. „Það sem mér finnst svo alvarlegt í þessu er að Minjastofnun, sem er nú okkar eini aðili sem berst fyrir því að passa upp á menninguna okkar, er búin að segja að það þurfi að skoða svæðið. Og að fara þá af stað með dómsmál til að krefjast þess að þetta aldrað fólk sé borið úr húsunum sínum á sama tíma finnst mér mjög persónulega mjög forkastanlegt,“ segir Katrín. Vill að Reykjavíkurborg stígi inn í Orkuveitan er að langstærstum hluta í eigu Reykjavíkurborgar sem fer með 94% eignarhlut. Katrín kallar eftir því að borgin stígi inn i og að sest verði til samninga. „En það verður að gerast hratt, því málið verður tekið fyrir núna á miðvikudaginn. Þannig ef kjörnir fulltrúar okkar og Reykjavíkurborg ætla reyna aðhafast eitthvað í málinu eða Orkuveitan sjálf, þá er tækifærið bara núna,“ segir Katrín. Ragna ætlar ekki að gefast upp fyrr en í fulla hnefana.Vísir/Einar Sjálf ætlar Ragna ekki að gefast upp fyrr en í fulla hnefana. „Aldeilis ekki. Ég er ekki dauð ennþá.“ Reykjavík Mest lesið Ein kært nauðgun og fjórar segjast hafa verið beittar ofbeldi Innlent Maðurinn fannst látinn Innlent Blöskrar framkoma sérsveitar og afskiptasemi nágranna Innlent Gummi Emil feginn að ekki fór verr eftir misheppnaðan sveppatúr Innlent Grunaðir um að skiptast á að nauðga konu Innlent Gekk nakinn í veg fyrir bíla á Suðurlandsvegi Innlent Efna til söfnunar fyrir móður Kolfinnu Eldeyjar Innlent Krefja blaðamann Samstöðvarinnar um fimmtán milljónir Innlent Icelandair þurfi að kannast við reglur réttarríkisins Innlent Vandasöm andlitslömun sem greinist vikulega á Íslandi Innlent Fleiri fréttir Ályktun um stjórnarslit á dagskrá hjá VG Skyldur vinnuveitenda gífurlegar í erfiðum málum Staðan miklu alvarlegri þegar vígvöllurinn er stærri Móðir ákærð fyrir stórfellda líkamsárás Smíði Ölfusárbrúar í uppnámi vegna skilyrðis fyrir ríkisábyrgð „Við getum ekki treyst Hagkaup í Skeifunni fyrir unglingunum“ „Þegar ég hugsa til baka þá fæ ég bara kökk í hálsinn“ Banaslys við Fossá Erlend glæpagengi fá Íslendinga til að ræna reiðhjólaverslanir Miðflokkurinn marktækt stærri en Sjálfstæðisflokkurinn Tíðindi í glænýrri könnun, innbrotafaraldur og biðin sem sligar fjölskyldur Fjögur í varðhaldi vegna innbrota í Elko Tveir í bílnum sem ók út af Nokkur vitni að banaslysi við Brúará Stefnt að hertara eftirliti á landamærunum í nóvember Inga skellihló að Sigurði Inga Útsvarsaukningin aðeins hugsuð til tveggja ára Skerða orku til stórnotenda Alvarlegt umferðarslys við Fossá á Skaga Segir fjármálaráðherra ekki kunna að reikna Blöskrar framkoma sérsveitar og afskiptasemi nágranna Tveir hafa játað sök í stóra fíkniefnamálinu sem fer ekki fet Verður formaður stjórnar Matvælasjóðs Faðirinn ekki lengur í einangrun Þurfi að komast út úr kjarasamningum „með góðu eða illu“ Landris og kvikusöfnun heldur áfram Sigurður Ingi segir skort á sálfræðingum vandamál Baldur greiddi fjórðung kostnaðar við framboð sitt sjálfur Maðurinn fannst látinn Garðabæ óheimilt að skerða þjónustu við ellefu ára stúlku Sjá meira
Í miðri Heiðmörk, útivistarperlu Reykvíkinga, standa nokkur sumarhús sem sum voru byggð á tímum seinni heimstyrjaldarinnar. Eigendurnir eru margir á níræðis-og tíræðisaldri. Landið er í eigu Orkuveitu Reykjavíkur sem nú hefur höfðað aðfarargerð gegn eigendum átta sumarhúsa. Í kvöldfréttum Stöðvar 2 hittum við Rögnu Þorsteins, eiganda eins elsta sumarhússins. Hún hefur eytt öllum sumrum frá unga aldri í sumarbústað fjölskyldunnar sem gengið hefur kynslóða á milli og lýsir lífinu í sveitinni í fréttinni. „Hingað fluttum við á vorin eftir skóla. Við fórum á vörubíl með börnin, blómin, saumavélina og sængurföt, og gömlu afasysturina sem bjó hjá okkur þangað til hún dó. Þetta voru yndisleg sumur. Svo var farið aftur í bæinn á veturna í skólann.“ Kaldar kveðjur í tilefni afmælis Ragna fagnar 85 ára afmæli á morgun og segir Orkuveituna og Reykjavíkurborg senda sér kaldar kveðjur í tilefni dagsins. „Á í alvöru að fara bera okkur út eftir allan þennan tíma með engum rökum? Mér finnst það svolítið sárt og ljótt, satt að segja.“ Ég get ekki séð að við séum fyrir neinum. „Okkar vatni stafar engin hætta af þessu fólki þarna í Heiðmörk“ Katrín Oddsdóttir er lögmaður Rögnu en hún segir í raun og veru ekkert valda því að til standi að reka fólkið í burtu. Vatnsbólum stafi ekki hætta af bústöðunum því þeir standi neðst á svæðunum og engir bústaðir séu á skilgreindum brunnsvæðum vatnsverndar. Húsið er tæplega hundrað ára gamalt og er fjölskyldunni einstaklega dýrmætt. Vísir/Einar „Aðalskipulag Reykjavíkurborgar tekur sérstaklega á því að þessi hús geti verið þarna í samræmi við vatnsverndarskipulag á svæðinu,“ segir Katrín. „Okkar vatni stafar engin hætta af þessu fólki þarna í Heiðmörk. Það er mjög óheppilegt að hvergi sé hægt að finna fundargerð um það hvers vegna þetta ofboðslega offors hefur hlaupið í Orkuveituna, og Reykjavíkurborg virðist heldur ekki geta gripið í taumana. Þetta er bara mjög undarleg staða satt að segja.“ Segja Heilbrigðiseftirlitið hafa lýst yfir áhyggjum Búseta á grannsvæðum vatnsverndar er óheimil en í tilkynningu sem Orkuveitan sendi frá sér í dag kemur fram að afstaða fyrirtækisins hafi legið fyrir í um tuttugu ár. Þegar hafi náðst samkomulag við meirihluta sumarhúseigenda í Heiðmörk um hvernig byggð þar leggist af. „Núverandi vatnsvernd höfuðborgarsvæðisins, sem var samþykkt af öllum sveitarfélögunum árið 2015, er alveg skýr um það að íbúabyggð er bönnuð innan vatnsverndarinnar. Yfirstandandi dómsmál OR er gagnvart húseigendum á svæðinu sem hafa alfarið hafnað samningum. Þau sem gengið hafa til samninga við OR halda húsum sínum til ársins 2030,“ segir í tilkynningunni. „Almenna reglan er sú að heilsársbúseta í frístundahúsum er ekki heimil og hefur til að mynda Heilbrigðiseftirlit Reykjavíkur lýst áhyggjum af viðvarandi búsetu innan vatnsverndarinnar.“ Katrín Oddsdóttir, lögmaður Rögnu, segir málið allt hið undarlegasta.Vísir/Vilhelm Katrín bendir á að Minjastofnum og Borgarsögusafn Reykjavíkur hafi fengið augastað á byggðinni sem menningarlegum verðmætum, en elsti bústaðurinn er frá 1908. Tvö hús hafa þegar verið friðuð og mörg önnur eru umsagnarskyld. „Það sem mér finnst svo alvarlegt í þessu er að Minjastofnun, sem er nú okkar eini aðili sem berst fyrir því að passa upp á menninguna okkar, er búin að segja að það þurfi að skoða svæðið. Og að fara þá af stað með dómsmál til að krefjast þess að þetta aldrað fólk sé borið úr húsunum sínum á sama tíma finnst mér mjög persónulega mjög forkastanlegt,“ segir Katrín. Vill að Reykjavíkurborg stígi inn í Orkuveitan er að langstærstum hluta í eigu Reykjavíkurborgar sem fer með 94% eignarhlut. Katrín kallar eftir því að borgin stígi inn i og að sest verði til samninga. „En það verður að gerast hratt, því málið verður tekið fyrir núna á miðvikudaginn. Þannig ef kjörnir fulltrúar okkar og Reykjavíkurborg ætla reyna aðhafast eitthvað í málinu eða Orkuveitan sjálf, þá er tækifærið bara núna,“ segir Katrín. Ragna ætlar ekki að gefast upp fyrr en í fulla hnefana.Vísir/Einar Sjálf ætlar Ragna ekki að gefast upp fyrr en í fulla hnefana. „Aldeilis ekki. Ég er ekki dauð ennþá.“
Reykjavík Mest lesið Ein kært nauðgun og fjórar segjast hafa verið beittar ofbeldi Innlent Maðurinn fannst látinn Innlent Blöskrar framkoma sérsveitar og afskiptasemi nágranna Innlent Gummi Emil feginn að ekki fór verr eftir misheppnaðan sveppatúr Innlent Grunaðir um að skiptast á að nauðga konu Innlent Gekk nakinn í veg fyrir bíla á Suðurlandsvegi Innlent Efna til söfnunar fyrir móður Kolfinnu Eldeyjar Innlent Krefja blaðamann Samstöðvarinnar um fimmtán milljónir Innlent Icelandair þurfi að kannast við reglur réttarríkisins Innlent Vandasöm andlitslömun sem greinist vikulega á Íslandi Innlent Fleiri fréttir Ályktun um stjórnarslit á dagskrá hjá VG Skyldur vinnuveitenda gífurlegar í erfiðum málum Staðan miklu alvarlegri þegar vígvöllurinn er stærri Móðir ákærð fyrir stórfellda líkamsárás Smíði Ölfusárbrúar í uppnámi vegna skilyrðis fyrir ríkisábyrgð „Við getum ekki treyst Hagkaup í Skeifunni fyrir unglingunum“ „Þegar ég hugsa til baka þá fæ ég bara kökk í hálsinn“ Banaslys við Fossá Erlend glæpagengi fá Íslendinga til að ræna reiðhjólaverslanir Miðflokkurinn marktækt stærri en Sjálfstæðisflokkurinn Tíðindi í glænýrri könnun, innbrotafaraldur og biðin sem sligar fjölskyldur Fjögur í varðhaldi vegna innbrota í Elko Tveir í bílnum sem ók út af Nokkur vitni að banaslysi við Brúará Stefnt að hertara eftirliti á landamærunum í nóvember Inga skellihló að Sigurði Inga Útsvarsaukningin aðeins hugsuð til tveggja ára Skerða orku til stórnotenda Alvarlegt umferðarslys við Fossá á Skaga Segir fjármálaráðherra ekki kunna að reikna Blöskrar framkoma sérsveitar og afskiptasemi nágranna Tveir hafa játað sök í stóra fíkniefnamálinu sem fer ekki fet Verður formaður stjórnar Matvælasjóðs Faðirinn ekki lengur í einangrun Þurfi að komast út úr kjarasamningum „með góðu eða illu“ Landris og kvikusöfnun heldur áfram Sigurður Ingi segir skort á sálfræðingum vandamál Baldur greiddi fjórðung kostnaðar við framboð sitt sjálfur Maðurinn fannst látinn Garðabæ óheimilt að skerða þjónustu við ellefu ára stúlku Sjá meira