Þeir urðu að láta fyrir berast í miskunnarlausum öldum Atlantshafsins innan um gáma og brak og svartolíu í þeirri von að þeim yrði bjargað. Tveir menn fórust í slysinu.
Í þessum fyrsta þætti af Útkalli ræðir Óttar Sveinsson við Ingva Hallgrímsson og Valdimar Sigþórsson tvo af skipbrotsmönnunum og Benóný Ásgrímsson þyrluflugstjóra sem bjargaði þeim.
Útkall eru nýir þættir á Vísi og verða á dagskrá næstu átta sunnudaga. Þættirnir eru byggðir á metsölubókum Óttars Sveinssonar og eru framleiddir af kvikmyndagerðarmanninum Heiðari Aðalbjörnssyni.
