Stöð 2 Sport
Klukkan 13:50 hefst útsending frá leik FH og Vestra í Bestu deild karla. Klukkan 18:45 er svo komið að sannkölluðum stórleik í undanúrslitum Subway-deildar karla. Keflavík tekur þá á móti Grindavík en gestirnir leiða 1-0 eftir fyrsta leikinn.
Stöð 2 Sport 2
Leikur Monza og Lazio og Serie A deildinni á Ítalíu fer í loftið klukkan 15:50. Klukkan 23:00 er svo komið að úrslitakeppni NBA-deildarinnar en þar mætast meistarar Denver Nuggets og Minnesota Timberwolves.
Stöð 2 Sport 3
Sassuolo tekur á móti Ítalíumeisturum Inter klukkan 18:35.
Stöð 2 Sport 4
Klukkan 18:35 verður sýnt beint frá leik Valencia og Joventut Badalona í spænsku ACB-deildinni í körfubolta.
Vodafone Sport
Ipswich getur tryggt sér sæti í ensku úrvalsdeildinni með sigri á Huddersfield en leikur liðanna verður í beinni frá klukkan 11:20. Klukkan 13:20 mætast svo lið Dortmund og Augsburg í þýsku úrvalsdeildinni og klukkan 15:50 er komið að Formúlunni þar sem sprettkeppnin fer fram í kappakstrinum í Miami.
Klukkan 19:45 verður svo sýnt beint frá tímatöku Miami-kappakstursins.
