Rúss­nesk lög í karókí eru eitt­hvað annað skemmti­leg

Ástríða Valeríju liggur í starfi hennar sem hársnyrtir og hefur hún unun af að kenna og leiðbeina öðrum sem eru að læra fagið. Góðgerðarmál hafa verið Valeríju sérstaklega hjartfólgin undanfarin ár í ljósi þeirra erfiðleika og stríðsreksturs sem heimsbyggðin stendur nú frammi fyrir. Með ævintýragjarnt, listrænt og jákvætt eðli langar hana að gera heiminn að betri stað.

Lífið á Vísi ræðir við stúlkurnar sem keppast um titilinn Ungfrú Ísland í ár og fær að kynnast þeim aðeins betur. Ungfrú Ísland verður í beinni útsendingu 14. ágúst á Vísi og Stöð 2 Vísi.

Fullt nafn? 

Valeríja Rjabchuk.

Aldur? 

26 ára.

Starf? 

Hársnyrtisveinn á Aristó.

Hvað var það sem vakti áhuga þinn á keppninni? 

Hvað það opnast margar dyr í lífinu fyrir þær sem taka þátt og hvað þetta er gefandi og skemmtilegt ferli.

Hvað ert þú búin að læra í ferlinu?

 Það er tiltölulega nýbyrjað en maður er samt sem áður búin að læra helling og mun læra heilmikið til viðbótar, það er verið svolítið að ýta manni út fyrir þægindarammann. Kenna manni um heilsu og lífstíl, framkomu og hvernig maður ber sig, mikið um keppnina hér og erlendis og fyrir hvað þær standa, sem er mikið meira en fólk heldur, þannig ég mæli með að fylgjast með.

Hvaða tungumál talarðu?

Íslensku, rússnesku og ensku.

Hvað hefur mótað þig mest?

 Vá ætli allt í lífinu hafi ekki mótandi áhrif á mann litil sem stór atvik, en mest myndi ég segja að það væri að verða mamma. Það gjörsamlega snýr lífinu á hvolf og maður sér það í allt öðru ljósi, betra og fallegra ljósi.

Erfiðasta lífsreynslan hingað til?

Þegar ég fékk þau skilaboð að fyrrverandi kærasti minn til fjögurra ára hefði látist í mótorhjólaslysi.

Hverju ertu stoltust af?

Klára sveinspróf í mínu fagi ásamt því að ná mjög góðum árangri í því líka á stuttum tíma. Svo er ég mjög stolt af því að vera taka þátt í Ungfrú Ísland sem Ungfrú Reykjavík.

Besta heilræði sem þú hefur fengið?

This too shall pass. Að sama hvað gengur á í lífinu, þá endist það aldrei að eilifu, sama hvort það sé gott eða slæmt. Þannig ég reyni að leyfa mér að upplifa allt sem lífið hefur upp á að bjóða á meðan ég er hér á þessari jörðu og fer svolítið með flæðinu bara.

Hvað er uppáhalds maturinn þinn?

Er mjöög mikil matarkona og erfitt að velja eitt þannig gef ykkur topp þrjú: Pelmeni / Carpaccio / Kræklingar.

Hver er þín fyrirmynd í lífinu?

Ég get ekki sagt að ég eigi eina fyrirmynd í lífinu, frekar reyni ég að taka til mín alla bestu kostina sem fólkið í kringum mig hefur og fylgja góðum gildum.

Hver er frægasta persóna sem þú hefur hitt?

Hljómsveitarmeðlimir Kaleo. 

Neyðarlegasta atvik sem þú hefur lent í?

Þau eru þó nokkur, en engin sem viðeigandi er að deila með alheiminum.

Hver er þinn helsti ótti?

Að eitthvað slæmt komi fyrir börnin mín

Hvar sérðu þig í framtíðinni?

Að ferðast um heiminn og hjálpa öðrum

Hvaða lag tekur þú í karókí?

Chasiki með Valeriyu. Rússnesk lög í karókí er eitthvað annað skemmtileg.

Þín mesta gæfa í lífinu?

 Fjölskyldan mín 

Uppskrift að drauma degi?

Það eru margar útgáfur af drauma degi, fer eftir tilefni en svona hversdagslegur drauma dagur væri að Vakna á fallegum sólríkum sumarmorgni, elda mér og fjölskyldunni góðan morgunmat, sitja og drekka heitt te útí garði meðan börnin leika sér, fara svo á ströndina og eyða deginum þar, synda, búa til sandkastala, öll saman í búðina og kaupa gott í kvöldmat, klára svo daginn á því að grilla og njóta með mikilvægasta fólkinu heima með góðri tónlist, fara í notarlegt bað og sofna yfir skemmtilegri bíómynd , repeat takk.

Hér er hægt að kjósa í Ungfrú Ísland.