Það er félagaskiptamógullinn Fabrizio Romano sem greinir frá og segir jafnframt að Obi-Martin hafi hafnað hærri samningsboðum frá liðum í Þýskalandi og kosið frekar að fara til Manchester.
🚨🔴 EXCLUSIVE: Chido Obi Martin to Man United, here we go! Talented striker leaves Arsenal and he’s just accepted Man Utd proposal.
— Fabrizio Romano (@FabrizioRomano) July 30, 2024
Pathway key for Chido who’s turned down higher bids from Germany to sign for Man United.
Project convinced 2007 born top talent to accept #MUFC. pic.twitter.com/oFv1xM32UU
Obi-Martin er danskur og hefur spilað með unglingalandsliðum Danmerkur. Hann er uppalinn í KB þar í landi en fluttist til Arsenal árið 2022.
Á nýliðnu tímabili spilaði hann með u18 liðinu og skoraði 29 mörk í 17 leikjum. Þar af tíu mörk í einum leik gegn Liverpool, sjö mörk gegn Norwich, fimm mörk gegn West Ham og fjögur mörk gegn Crystal Palace.
Hann hefur einnig fengið tækifæri til að æfa með aðalliði Arsenal. Þar sem hann er enn mjög ungur, á sautjánda ári, má vænta þess að hann spili með unglingaliði Manchester United á næsta tímabili meðan hann æfir með og undirbýr stökkið upp í aðalliðið.
