Norrköping vann þá 1-0 útisigur á GAIS sem var sjö sætum ofar í töflunni fyrir leikinn.
Þetta er þriðji sigur Norrköping i röð í deildinni eftir að hafa ekki unnið leik frá lok apríl fram í miðjan júlí.
Arnór Ingvi Traustason og Ísak Andri voru báðir í byrjunarliði Norrköping í leiknum.
Arnór Ingvi fékk kjörið tækifæri til að koma liði sínu yfir en lét verja frá sér vítaspyrnu á 19. mínútu leiksins. Arnór fékk annað tækifærið þegar hann náði frákastinu en hitti ekki markið úr þröngri stöðu.
Ísak Andri skoraði markið sitt á 53. mínútu en hann var þá fljótur að átta sig þegar boltinn fór af varnarmanni og datt niður í markteiginn. Markið má sjá hér fyrir neðan.
Þetta var þriðja deildarmark Ísaks Andra á leiktíðinni en hin mörkin komu bæði í tapleikjum, það fyrra á móti Malmö í mars en það seinna á móti Djurgården í júlí.
Isak Andri Sigurgeirsson! 1-0 till IFK Norrköping borta mot GAIS ⚪🔵 '
— Sports on Max 🇸🇪 (@sportsonmaxse) August 3, 2024
📲 Se matchen på Max pic.twitter.com/KyBtIO9zt3