Fótbolti

Guð­ný skoraði sitt fyrsta mark fyrir Kristianstad

Ingvi Þór Sæmundsson skrifar
Guðný Árnadóttir hefur leikið 32 A-landsleiki.
Guðný Árnadóttir hefur leikið 32 A-landsleiki. vísir/hulda margrét

Íslendingalið Kristianstad laut í lægra haldi fyrir Norrköping, 1-3, í eina leik dagsins í sænsku úrvalsdeildinni í fótbolta.

Guðný Árnadóttir, Hlín Eiríksdóttir og Katla Tryggvadóttir voru í byrjunarliði Kristianstad og léku allan leikinn.

Norrköping byrjaði leikinn miklu betur og eftir hálftíma var staðan 0-3, gestunum í vil.

Guðný klóraði í bakkann fyrir Kristianstad með sínu fyrsta marki félagið á 55. mínútu en nær komust heimakonur ekki. Lokatölur 1-3, Norrköping í vil.

Þetta var annað tap Kristianstad í röð en í síðustu þremur leikjum hefur liðið aðeins fengið eitt stig. Kristianstad er í 4. sæti deildarinnar með 26 stig eftir fjórtán leiki.

Sænski boltinn

Mest lesið


Fleiri fréttir

Sjá meira


×

Mest lesið