„Þetta er í fimmtánda sinn sem við höldum þessa hátíð og við erum hvergi nærri af baki dottin,“ segir Pan í samtali við Vísi. Hátíðin hefst á mánudag 2. september og stendur yfir þar til á sunnudag 8. september. Í ár kemur fjölbreyttur hópur listamanna fram frá Íslandi sem og erlendis frá.
Hugmyndin að hátíðinni kviknaði hjá Pan og föður hans Óskari Thorarensen þegar þeir gerðu tónlist saman, svokallaða mixteip diska og kölluðu það Extreme Chill. Þeir skipuðu einmitt rafsveitina Stereo Hypnosis Ambient tríó á sínum tíma. Að sögn Pan hefur aldrei komið annað til greina en að halda í nafnið, jafnvel þó það sé oft mikið stuð í raftónlistinni. Margir upplifi hana einmitt slakandi.
Markmið hátíðarinnar er að kynna íslenska og erlenda hljóðlistamenn og tengja saman ólík listform, hljóðheim og lifandi myndheim. Hátíðin mun eiga sér stað á nokkrum mismunandi stöðum í miðborginni: Gamla Bíó, Mengi, Fríkirkjan í Reykjavík, White Lotus, Bíó Paradís, Smekkleysa, Radar, Kaffibarinn, 12 Tónar og Röntgen.
Tónlistarmenn sem verða á hátíðinni:
ALESSANDRO CORTINI
FUJI||||||||||TA
MARY LATTIMORE
ERALDO BERNOOCCHI & HOSHIKO YAMANE
MUSEUM OF SOUND (LISTENING ROOM WITH MIKA VAINIO)
CHRISTOPHER CHAPLIN
STEREO HYPNOSIS
MIXMASTER MORRIS
HARP & ARP
KIRA KIRA
ÆGIR
PADDAN
JÓHANN EIRÍKSSON
INVISIBLE LANDSCAPES (FILM SCREENING + DISCUSSION) WITH: PAN THORARENSEN & MAGNÚS BERGSSON
MASAYA OZAKI
HAVELKA / HAVELS
BORGAR MAGNASON
SUBOTNICK (FILM SCREENING ) PORTRAIT OF AN ELECTRONIC MUSIC PIONEER
MIKAEL LIND
PLASMABELL
ORANG VOLANTE
ÁLFBEAT
PELLEGRINA (DJ)
DJ GULLI DJ & TATJANA
JAMESENDIR & DJ DEATH METAL
