Að vinna með fræðafólki úr landránsnýlenduríki Ingólfur Gíslason skrifar 12. september 2024 10:33 Háskóli Íslands fordæmdi afdráttarlaust innrás Rússlands í Úkraínu í mars 2022 og lýsti yfir samstöðu með nemendum og starfsfólki úkraínskra háskóla sem og öllum íbúum landsins. Allt samstarf við háskóla og stofnanir í Rússlandi var „sett á ís“ eins og segir í yfirlýsingu rektors. Háskóli Íslands hefur hins vegar ekki fordæmt þjóðarmorð Ísraelsríkis í Palestínu og ekki sett samstarf á ís eða í kæli eða út á svalir. Engar yfirlýsingar hafa verið gefnar út frá rektor eða á vegum Háskóla Íslands, þrátt fyrir ákall starfsfólks (https://fyrirpalestinu.wordpress.com/) og stúdenta (https://www.hi.is/haskolinn/fundargerd_haskolarads_2_mai_2024). Það eru því mikil vonbrigði að frétta af því að nú á föstudaginn muni fræðimaður við Hebreska háskólann í Jerúsalem halda erindi í Málstofu í stærðfræði við Háskóla Íslands. Sniðgönguhreyfing Palestínufólks leggur ekki til að einstakir fræðimenn séu sniðgengnir sem slíkir. Hér er þó um að ræða opinberan akademískan viðburð sem hlýtur að byggja á samstarfi milli Háskóla Íslands og Hebreska háskólans í Jerúsalem jafnvel þó að farvegur þess liggi í persónulegum tengslum. Við þekkjum ekki hug fræðimannsins til hins ólöglega hernáms, aðskilnaðarstefnu eða þjóðarmorðs en ljóst er að ef hann er andstæðingur þess þá mun hann fagna og taka undir sniðgöngu, jafnvel þó að hann verði sjálfur fyrir henni. Bakgrunnur Ísrael er landránsnýlenduríki (e. settler-colonial state). Það þýðir að ríkið sjálft er stofnað utan um og á grunni þeirrar stefnu að hreinsa landið af fólkinu sem bjó þar fyrir sem tilheyrir ekki þjóð landránsfólksins. Þessar þjóðhreinsanir hófust á árunum fyrir formlega stofnun ríkisins 1948 og fela í sér bæði að hrekja fólk á flótta og að drepa það, ásamt því að eyða menjum og ummerkjum um fólkið sem bjó þar. Það beitir í þessu skyni einnig vísvitandi sögulegum fölsunum. Ísrael er aðskilnaðarríki. Það þýðir að manneskjur hafa ólík réttindi eftir því hver uppruni þeirra er. Í grunnlögum ríkisins kemur fram að Gyðingar einir hafi full réttindi sem borgarar ríkisins. Palestínufólk (um 2,1 milljón manns) sem býr innan mæra Ísraels hefur þannig ekki jöfn réttindi á við Gyðinga. Palestínufólk sem býr á svonefndum hernumdum svæðum (um 5 milljónir manna) hefur enn minni réttindi. Hernumdu svæðin eru land sem Ísrael rændi í landvinningastríði árið 1967 en hefur ekki formlega innlimað í ríkið, þannig að íbúar þar hafa sem dæmi ekki kosningarétt í ríkinu. Þetta eru ekki skoðanir, heldur skjalfest og staðfest af Alþjóðadómstólnum sem og í fræðilegum heimildum. Þessi stefna, að reisa ríki Gyðinga og viðhalda því í Palestínu, nefnist síonismi. Í stuttu máli má segja að það hafi alltaf verið markmið síonista að útrýma Aröbum úr Palestínu, en til vara að þeir séu sem allra fæstir, til þess að tryggja yfirráð Gyðinga. Til merkis um það eru ótal skrif síonistanna sjálfra, stofnenda ríkisins jafnt sem seinni tíma stjórnmálafólk. Um stofnun ríkisins 1948 má margt segja, en ástæður þess að Vesturlönd studdu þann gjörning tengjast helför nasista gegn Gyðingum í Evrópu og því að Vesturlöndin töldu betra að Gyðingar fengju eigið ríki en að þeir byggju í ríkjum Vesturlanda. Gyðingaandúð á Vesturlöndum átti þannig sinn þátt í stofnun ríkisins. Hlutverk háskóla í landránsnýlendu Háskólar í Ísrael styðja við hernámið og útrýmingu Palestínufólks á marga vegu. Fræðafólk lætur ekki sitt eftir liggja. Það rannsakar og miðlar þekkingu á vopnum, hernaðartækni og kúgunaraðferðum og hermenn árásarhers Ísraels stunda nám á sérhönnuðum námsleiðum til að gera þá áhrifaríkari í hernaði. Það eru því mikil vonbrigði að Háskóli Íslands eigi í samstarfi við háskóla í Ísrael, eins og Hebreska háskólann í Jerúsalem. Á dögunum rak háskólinn virta palestínska fræðikonu, Nadera Shalhoub-Kevorkian, sem var prófessor við skólann. Hún var handtekin og pyntuð í kjölfarið. Nadera hefur meðal annars rannsakað og skrifað um þá hlið kúgunar landránsnýlendunnar að skila ekki líkamsleifum pólitískra fanga sem deyja í fangabúðum til fjölskyldna hinna látnu. Akademískt frelsi hennar reyndist ekkert. Í yfirlýsingu háskólans um málið kemur meðal annars fram að hann skilgreini sig sem síoníska stofnun og leyfi ekki gagnrýni á þjóðarmorðið: „As a proud Israeli, public, and Zionist institution, the Hebrew University strongly condemns Prof. Shalhoub-Kevorkian’s recent shocking and outrageous statements… To ensure a safe and conducive environment for our students on campus, the university has decided to suspend Prof. Shalhoub-Kevorkian from teaching activities, effective immediately.“ Hebreski háskólinn í Jerúsalem er elsti háskólinn í landránsnýlenduríkinu, stofnaður 1918, þrjátíu árum fyrir stofnun ríkisins. Markmið hans var meðal annars að vera miðpunktur fyrir mótun og útbreiðslu á nýrri þjóðernisvitund gyðinglegra síonista. Fyrsta bygging hans var reist sem táknræn útstöð, efst uppi á hæð, og minnir á hervirki og er eins konar yfirlýsing: hér erum við og við gerum tilkall til landsins. Háskólinn hefur umfangsmikil og náin tengsl við Ísraelsher. Til dæmis eru hermenn í „Deild 8200“ gjarnan þjálfaðir í Hebreska háskólanum. Þessi tölvuherdeild njósnar um Palestínufólk. Hún safnar viðkvæmum upplýsingum um fólk til þess að nota gegn því og þvinga það til að vinna með hernáminu. Þetta eru meðal annars upplýsingar um kynhneigð, heilbrigðis- og fjárhagsvanda þess og fjölskyldu þeirra. Ísraelsher hindrar fólk til dæmis að sækja nauðsynlega heilbrigðisþjónustu fyrir börnin sín í þessum tilgangi. Þessi herdeild vinnur líka við að búa til lista yfir skotmörk sem herinn hefur notað í yfirstandandi þjóðarmorði á Gaza. Afstaða stakra fræðimanna, sniðganga og mótmæli Við stutta netleit má komast að því að fyrirlesarinn frá Hebreska háskólanum í Jerúsalem hefur undanfarið mótmælt stjórnvöldum í Ísrael. Við vitum ekki hvort þau mótmæli einskorðast við tiltekna nálgun stjórnvalda á þjóðarmorðinu eða hvort þau snúast um hernámið og kúgunina í víðari skilningi. Það sem er þó ljóst er að ef hann stendur með Palestínu og styður það að enda kúgunina og þjóðarmorðið mun hann fagna sniðgöngu, jafnvel þó að hún bitni á honum sjálfum. Það er ennþá lítill hópur Gyðinga í Ísrael sem er andsnúinn tilraun ríkisins til að útrýma þjóð Palestínufólks þó að flestir þeirra hafi nú flúið land eða haldi sig í felum. Við sýnum þeim hópi stuðning með því að sniðganga akademískt samstarf við fulltrúa síonískra stofnana. Ég hvet Háskóla Íslands til að frysta allt slíkt samstarf og hefja ekki þiðnun fyrr en Palestína er frjáls. Höfundur er aðjunkt við Menntavísindasvið Háskóla Íslands. Heimildaskrá Til að gera lesturinn auðveldari er ekki vitnað í heimildir í textanum. Í honum er skautað yfir stórt svið og heimildaskráin er ætluð sem vegvísir fyrir fólk sem hefur áhuga á því að kynna sér málin nánar. Alþjóðadómstóllinn (International Court of Justice) (2024) Legal Consequences Arising from the Policies and Practices of Israel in the Occupied Palestinian Territory, including East Jerusalemhttps://www.icj-cij.org/sites/default/files/case-related/186/186-20240719-adv-01-00-en.pdf Cogan, Y. (2022). Academia, Weapons and Occupation: How Tel Aviv University Serves the Interests of the Israeli Military and Arms Industry. BDS. https://bdsmovement.net/news/academia-weapons-and-occupation-how-tel-aviv-university-serves-interests-israeli-military-and Dana, T. (2024). Notes on the ‘Exceptionalism’ of the Israeli Settler-Colonial Project. Middle East Critique, 33(2), 165–172. https://doi.org/10.1080/19436149.2024.2342733 Eghbariah, R. (2024). Toward Nakba As A Legal Concept. Columbia Law Review, 124(4), 887–992. https://columbialawreview.org/content/toward-nakba-as-a-legal-concept/ Háskóli Íslands (2022). Háskóli Íslands fordæmir innrás Rússa í Úkraínu https://www.hi.is/frettir/haskoli_islands_fordaemir_innras_russa_i_ukrainu Háskóli Íslands (2024). Bókun fulltrúa stúdenta um málefni Palestínu. Í Fundargerð háskólaráðs 2. maí 2024.https://www.hi.is/haskolinn/fundargerd_haskolarads_2_mai_2024 Middle East Eye (2024). War on Gaza: Hebrew University suspends prominent Palestinian academic. https://www.middleeasteye.net/news/hebrew-university-suspends-prominent-palestinian-academic Shalhoub-Kevorkian, N. (2020). Necropenology: Conquering new bodies, psychics, and territories of death in East Jerusalem. Identities, 27(3), 285–301. https://doi.org/10.1080/1070289X.2020.1737403 Sukarieh, M. (2024). How Israeli university presidents are proving the case for boycott. Mondoweiss. https://mondoweiss.net/2024/05/how-israeli-university-presidents-are-proving-the-case-for-boycott/ Wind, M. (2024). Towers of ivory and steel: How Israeli universities deny Palestinian freedom. Verso. Viltu birta grein á Vísi? Sendu okkur póst. Senda grein Átök í Ísrael og Palestínu Háskólar Ingólfur Gíslason Mest lesið Til hvers þá að segja satt? Pólitískt baktjaldamakk og upplýsingafölsun í Suðurnesjabæ Ari Gylfason Skoðun POTS er ekki tískubylgja Hanna Birna Valdimarsdóttir,Hugrún Vignisdóttir Skoðun Óvandaður og einhliða fréttaflutningur RÚV af stríðinu á Gaza Birgir Finnsson Skoðun Er niðurstaðan einstök? Ársreikningur Hveragerðisbæjar 2024 Friðrik Sigurbjörnsson,Eyþór H. Ólafsson Skoðun Hvað er verið að leiðrétta? Ægir Örn Arnarson Skoðun Smábátar eru framtíðin, segir David Attenborough Kjartan Sveinsson Skoðun Sigurður Ingi í mikilli mótsögn við sjálfan sig! Magnús Guðmundsson Skoðun Staðreyndir eða „mér finnst“ Birta Karen Tryggvadóttir Skoðun Orðskrípið sem bjarga á veiðigjaldinu Ólafur Adolfsson Skoðun Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir Skoðun Skoðun Skoðun Til hvers þá að segja satt? Pólitískt baktjaldamakk og upplýsingafölsun í Suðurnesjabæ Ari Gylfason skrifar Skoðun POTS er ekki tískubylgja Hanna Birna Valdimarsdóttir,Hugrún Vignisdóttir skrifar Skoðun Er niðurstaðan einstök? Ársreikningur Hveragerðisbæjar 2024 Friðrik Sigurbjörnsson,Eyþór H. Ólafsson skrifar Skoðun Hvað er verið að leiðrétta? Ægir Örn Arnarson skrifar Skoðun Loftslagsaðgerðir eru forsenda velsældar til framtíðar – ekki valkostur: Svargrein við niðurstöðum rannsóknar sem kynnt var á Velsældarþingi í gær Laura Sólveig Lefort Scheefer skrifar Skoðun Afsökunarbeiðni til fyrri kynslóða – og þeirra sem erfa munu landið Arnar Þór Jónsson skrifar Skoðun 75 ár af evrópskri samheldni og samvinnu Clara Ganslandt skrifar Skoðun Sigurður Ingi í mikilli mótsögn við sjálfan sig! Magnús Guðmundsson skrifar Skoðun Vetrarvirkjanir Sigurður Ingi Friðleifsson skrifar Skoðun Yfirgnæfandi meirihluti vill þjóðaratkvæði Jón Steindór Valdimarsson skrifar Skoðun Smábátar eru framtíðin, segir David Attenborough Kjartan Sveinsson skrifar Skoðun Leiðrétting veiðigjalda mun skila sér í bættum innviðum Arna Lára Jónsdóttir skrifar Skoðun Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir skrifar Skoðun Efnahagslegur hagvöxtur þýðir ekki endilega samfélagslegur hagvöxtur Davíð Routley skrifar Skoðun Börn innan seilingar Árni Guðmundsson skrifar Skoðun Hallarekstur í Hafnarfirði Jón Ingi Hákonarson skrifar Skoðun Hvers konar Evrópuríki viljum við vera? Magnús Árni Skjöld Magnússon skrifar Skoðun Orðskrípið sem bjarga á veiðigjaldinu Ólafur Adolfsson skrifar Skoðun Túlkun er ekkert að fara – en hvað ætlum við að gera með hana? Birna Ragnheiðardóttir Imsland skrifar Skoðun Hagsmunir heildarinnar - Kafli tvö: Eiskrandi kröfur Hannes Örn Blandon skrifar Skoðun Palestína er að verja sig, ekki öfugt Stefán Guðbrandsson skrifar Skoðun Óvandaður og einhliða fréttaflutningur RÚV af stríðinu á Gaza Birgir Finnsson skrifar Skoðun Lýðræði á ystu nöf: Hver er afstaða unga fólksins? Jonas Hammer skrifar Skoðun Hvað ef ég hjóla bara í vinnuna? Eiríkur Búi Halldórsson skrifar Skoðun Litlu ljósin á Gaza Guðbrandur Einarsson skrifar Skoðun Ekki leiðrétting heldur skattahækkun: Afstaða Sjálfstæðisflokksins er skýr Guðrún Hafsteinsdóttir skrifar Skoðun Staðreyndir eða „mér finnst“ Birta Karen Tryggvadóttir skrifar Skoðun Fjármagna áfram hernað Rússlands Hjörtur J. Guðmundsson skrifar Skoðun Frídagar í klemmu Jón Júlíus Karlsson skrifar Skoðun Fasteignaviðskipti – tímabært að endurskoða leikreglurnar? Hlynur Júlísson skrifar Sjá meira
Háskóli Íslands fordæmdi afdráttarlaust innrás Rússlands í Úkraínu í mars 2022 og lýsti yfir samstöðu með nemendum og starfsfólki úkraínskra háskóla sem og öllum íbúum landsins. Allt samstarf við háskóla og stofnanir í Rússlandi var „sett á ís“ eins og segir í yfirlýsingu rektors. Háskóli Íslands hefur hins vegar ekki fordæmt þjóðarmorð Ísraelsríkis í Palestínu og ekki sett samstarf á ís eða í kæli eða út á svalir. Engar yfirlýsingar hafa verið gefnar út frá rektor eða á vegum Háskóla Íslands, þrátt fyrir ákall starfsfólks (https://fyrirpalestinu.wordpress.com/) og stúdenta (https://www.hi.is/haskolinn/fundargerd_haskolarads_2_mai_2024). Það eru því mikil vonbrigði að frétta af því að nú á föstudaginn muni fræðimaður við Hebreska háskólann í Jerúsalem halda erindi í Málstofu í stærðfræði við Háskóla Íslands. Sniðgönguhreyfing Palestínufólks leggur ekki til að einstakir fræðimenn séu sniðgengnir sem slíkir. Hér er þó um að ræða opinberan akademískan viðburð sem hlýtur að byggja á samstarfi milli Háskóla Íslands og Hebreska háskólans í Jerúsalem jafnvel þó að farvegur þess liggi í persónulegum tengslum. Við þekkjum ekki hug fræðimannsins til hins ólöglega hernáms, aðskilnaðarstefnu eða þjóðarmorðs en ljóst er að ef hann er andstæðingur þess þá mun hann fagna og taka undir sniðgöngu, jafnvel þó að hann verði sjálfur fyrir henni. Bakgrunnur Ísrael er landránsnýlenduríki (e. settler-colonial state). Það þýðir að ríkið sjálft er stofnað utan um og á grunni þeirrar stefnu að hreinsa landið af fólkinu sem bjó þar fyrir sem tilheyrir ekki þjóð landránsfólksins. Þessar þjóðhreinsanir hófust á árunum fyrir formlega stofnun ríkisins 1948 og fela í sér bæði að hrekja fólk á flótta og að drepa það, ásamt því að eyða menjum og ummerkjum um fólkið sem bjó þar. Það beitir í þessu skyni einnig vísvitandi sögulegum fölsunum. Ísrael er aðskilnaðarríki. Það þýðir að manneskjur hafa ólík réttindi eftir því hver uppruni þeirra er. Í grunnlögum ríkisins kemur fram að Gyðingar einir hafi full réttindi sem borgarar ríkisins. Palestínufólk (um 2,1 milljón manns) sem býr innan mæra Ísraels hefur þannig ekki jöfn réttindi á við Gyðinga. Palestínufólk sem býr á svonefndum hernumdum svæðum (um 5 milljónir manna) hefur enn minni réttindi. Hernumdu svæðin eru land sem Ísrael rændi í landvinningastríði árið 1967 en hefur ekki formlega innlimað í ríkið, þannig að íbúar þar hafa sem dæmi ekki kosningarétt í ríkinu. Þetta eru ekki skoðanir, heldur skjalfest og staðfest af Alþjóðadómstólnum sem og í fræðilegum heimildum. Þessi stefna, að reisa ríki Gyðinga og viðhalda því í Palestínu, nefnist síonismi. Í stuttu máli má segja að það hafi alltaf verið markmið síonista að útrýma Aröbum úr Palestínu, en til vara að þeir séu sem allra fæstir, til þess að tryggja yfirráð Gyðinga. Til merkis um það eru ótal skrif síonistanna sjálfra, stofnenda ríkisins jafnt sem seinni tíma stjórnmálafólk. Um stofnun ríkisins 1948 má margt segja, en ástæður þess að Vesturlönd studdu þann gjörning tengjast helför nasista gegn Gyðingum í Evrópu og því að Vesturlöndin töldu betra að Gyðingar fengju eigið ríki en að þeir byggju í ríkjum Vesturlanda. Gyðingaandúð á Vesturlöndum átti þannig sinn þátt í stofnun ríkisins. Hlutverk háskóla í landránsnýlendu Háskólar í Ísrael styðja við hernámið og útrýmingu Palestínufólks á marga vegu. Fræðafólk lætur ekki sitt eftir liggja. Það rannsakar og miðlar þekkingu á vopnum, hernaðartækni og kúgunaraðferðum og hermenn árásarhers Ísraels stunda nám á sérhönnuðum námsleiðum til að gera þá áhrifaríkari í hernaði. Það eru því mikil vonbrigði að Háskóli Íslands eigi í samstarfi við háskóla í Ísrael, eins og Hebreska háskólann í Jerúsalem. Á dögunum rak háskólinn virta palestínska fræðikonu, Nadera Shalhoub-Kevorkian, sem var prófessor við skólann. Hún var handtekin og pyntuð í kjölfarið. Nadera hefur meðal annars rannsakað og skrifað um þá hlið kúgunar landránsnýlendunnar að skila ekki líkamsleifum pólitískra fanga sem deyja í fangabúðum til fjölskyldna hinna látnu. Akademískt frelsi hennar reyndist ekkert. Í yfirlýsingu háskólans um málið kemur meðal annars fram að hann skilgreini sig sem síoníska stofnun og leyfi ekki gagnrýni á þjóðarmorðið: „As a proud Israeli, public, and Zionist institution, the Hebrew University strongly condemns Prof. Shalhoub-Kevorkian’s recent shocking and outrageous statements… To ensure a safe and conducive environment for our students on campus, the university has decided to suspend Prof. Shalhoub-Kevorkian from teaching activities, effective immediately.“ Hebreski háskólinn í Jerúsalem er elsti háskólinn í landránsnýlenduríkinu, stofnaður 1918, þrjátíu árum fyrir stofnun ríkisins. Markmið hans var meðal annars að vera miðpunktur fyrir mótun og útbreiðslu á nýrri þjóðernisvitund gyðinglegra síonista. Fyrsta bygging hans var reist sem táknræn útstöð, efst uppi á hæð, og minnir á hervirki og er eins konar yfirlýsing: hér erum við og við gerum tilkall til landsins. Háskólinn hefur umfangsmikil og náin tengsl við Ísraelsher. Til dæmis eru hermenn í „Deild 8200“ gjarnan þjálfaðir í Hebreska háskólanum. Þessi tölvuherdeild njósnar um Palestínufólk. Hún safnar viðkvæmum upplýsingum um fólk til þess að nota gegn því og þvinga það til að vinna með hernáminu. Þetta eru meðal annars upplýsingar um kynhneigð, heilbrigðis- og fjárhagsvanda þess og fjölskyldu þeirra. Ísraelsher hindrar fólk til dæmis að sækja nauðsynlega heilbrigðisþjónustu fyrir börnin sín í þessum tilgangi. Þessi herdeild vinnur líka við að búa til lista yfir skotmörk sem herinn hefur notað í yfirstandandi þjóðarmorði á Gaza. Afstaða stakra fræðimanna, sniðganga og mótmæli Við stutta netleit má komast að því að fyrirlesarinn frá Hebreska háskólanum í Jerúsalem hefur undanfarið mótmælt stjórnvöldum í Ísrael. Við vitum ekki hvort þau mótmæli einskorðast við tiltekna nálgun stjórnvalda á þjóðarmorðinu eða hvort þau snúast um hernámið og kúgunina í víðari skilningi. Það sem er þó ljóst er að ef hann stendur með Palestínu og styður það að enda kúgunina og þjóðarmorðið mun hann fagna sniðgöngu, jafnvel þó að hún bitni á honum sjálfum. Það er ennþá lítill hópur Gyðinga í Ísrael sem er andsnúinn tilraun ríkisins til að útrýma þjóð Palestínufólks þó að flestir þeirra hafi nú flúið land eða haldi sig í felum. Við sýnum þeim hópi stuðning með því að sniðganga akademískt samstarf við fulltrúa síonískra stofnana. Ég hvet Háskóla Íslands til að frysta allt slíkt samstarf og hefja ekki þiðnun fyrr en Palestína er frjáls. Höfundur er aðjunkt við Menntavísindasvið Háskóla Íslands. Heimildaskrá Til að gera lesturinn auðveldari er ekki vitnað í heimildir í textanum. Í honum er skautað yfir stórt svið og heimildaskráin er ætluð sem vegvísir fyrir fólk sem hefur áhuga á því að kynna sér málin nánar. Alþjóðadómstóllinn (International Court of Justice) (2024) Legal Consequences Arising from the Policies and Practices of Israel in the Occupied Palestinian Territory, including East Jerusalemhttps://www.icj-cij.org/sites/default/files/case-related/186/186-20240719-adv-01-00-en.pdf Cogan, Y. (2022). Academia, Weapons and Occupation: How Tel Aviv University Serves the Interests of the Israeli Military and Arms Industry. BDS. https://bdsmovement.net/news/academia-weapons-and-occupation-how-tel-aviv-university-serves-interests-israeli-military-and Dana, T. (2024). Notes on the ‘Exceptionalism’ of the Israeli Settler-Colonial Project. Middle East Critique, 33(2), 165–172. https://doi.org/10.1080/19436149.2024.2342733 Eghbariah, R. (2024). Toward Nakba As A Legal Concept. Columbia Law Review, 124(4), 887–992. https://columbialawreview.org/content/toward-nakba-as-a-legal-concept/ Háskóli Íslands (2022). Háskóli Íslands fordæmir innrás Rússa í Úkraínu https://www.hi.is/frettir/haskoli_islands_fordaemir_innras_russa_i_ukrainu Háskóli Íslands (2024). Bókun fulltrúa stúdenta um málefni Palestínu. Í Fundargerð háskólaráðs 2. maí 2024.https://www.hi.is/haskolinn/fundargerd_haskolarads_2_mai_2024 Middle East Eye (2024). War on Gaza: Hebrew University suspends prominent Palestinian academic. https://www.middleeasteye.net/news/hebrew-university-suspends-prominent-palestinian-academic Shalhoub-Kevorkian, N. (2020). Necropenology: Conquering new bodies, psychics, and territories of death in East Jerusalem. Identities, 27(3), 285–301. https://doi.org/10.1080/1070289X.2020.1737403 Sukarieh, M. (2024). How Israeli university presidents are proving the case for boycott. Mondoweiss. https://mondoweiss.net/2024/05/how-israeli-university-presidents-are-proving-the-case-for-boycott/ Wind, M. (2024). Towers of ivory and steel: How Israeli universities deny Palestinian freedom. Verso.
Til hvers þá að segja satt? Pólitískt baktjaldamakk og upplýsingafölsun í Suðurnesjabæ Ari Gylfason Skoðun
Er niðurstaðan einstök? Ársreikningur Hveragerðisbæjar 2024 Friðrik Sigurbjörnsson,Eyþór H. Ólafsson Skoðun
Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir Skoðun
Skoðun Til hvers þá að segja satt? Pólitískt baktjaldamakk og upplýsingafölsun í Suðurnesjabæ Ari Gylfason skrifar
Skoðun Er niðurstaðan einstök? Ársreikningur Hveragerðisbæjar 2024 Friðrik Sigurbjörnsson,Eyþór H. Ólafsson skrifar
Skoðun Loftslagsaðgerðir eru forsenda velsældar til framtíðar – ekki valkostur: Svargrein við niðurstöðum rannsóknar sem kynnt var á Velsældarþingi í gær Laura Sólveig Lefort Scheefer skrifar
Skoðun Afsökunarbeiðni til fyrri kynslóða – og þeirra sem erfa munu landið Arnar Þór Jónsson skrifar
Skoðun Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir skrifar
Skoðun Efnahagslegur hagvöxtur þýðir ekki endilega samfélagslegur hagvöxtur Davíð Routley skrifar
Skoðun Túlkun er ekkert að fara – en hvað ætlum við að gera með hana? Birna Ragnheiðardóttir Imsland skrifar
Skoðun Ekki leiðrétting heldur skattahækkun: Afstaða Sjálfstæðisflokksins er skýr Guðrún Hafsteinsdóttir skrifar
Til hvers þá að segja satt? Pólitískt baktjaldamakk og upplýsingafölsun í Suðurnesjabæ Ari Gylfason Skoðun
Er niðurstaðan einstök? Ársreikningur Hveragerðisbæjar 2024 Friðrik Sigurbjörnsson,Eyþór H. Ólafsson Skoðun
Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir Skoðun