Sakar and­stæðing um að stela þjálfaranum sínum

Mayer sakar nefnilega Ryan um að hafa stolið þjálfaranum sínum, Kay Koroma. Ryan þvertekur hins vegar fyrir það.

Ryan byrjaði að æfa í æfingastöð Mayers í Bandaríkjunum og eftir það skipti hún um þjálfara og byrjaði, samkvæmt Mayer, að æfa undir handleiðslu Koromas.

Mayer segir hins vegar að Koroma sé ekki aðalþjálfari sinn og aðstoðarmaður hans, Flick Savoy, verði í horni hennar í bardaganum í dag.

Á blaðamannafundi fyrir bardagann dró Mayer fram síma sinn og las upp skilaboð frá Ryan þar sem hún baðst afsökunar á að hafa ekki látið hana vita áður en hún byrjaði að æfa í stöðinni hennar.

„Ekki reyna að bakka núna. Vertu bara heiðarleg og stattu við ákvörðun þína,“ sagði Mayer. Henni er verulega illa við Ryan.

„Hvernig hún talar, hún er fullorðin kona. Hvernig hún ber sig og talar, mér finnst hún vera rusl,“ sagði Mayer um mótherja sinn.