Sara lagði upp í fyrsta leik í Sádi-Arabíu

Sara er ein allra stærsta stjarna sádiarabísku deildarinnar eftir að hafa ákveðið að halda þangað frá Juventus í sumar. Hún lagði upp mark Al Qadsiah í leiknum, skömmu fyrir leikslok, en það dugði ekki til.

Landsliðsfyrirliðinn fyrrverandi verður næst á ferðinni eftir viku þegar hún spilar sinn fyrsta heimaleik með Al Qadsiah, gegn Al Nassr.

Cecilía Rán Rúnarsdóttir var kominn á bekkinn hjá Inter þegar liðið vann 3-1 útisigur gegn Sassuolo í dag. Cecilía, sem kom að láni frá Bayern í sumar, hafði spilað fyrstu þrjá leiki tímabilsins en Rachele Baldi stóð í markinu í hennar stað í dag.

Júlíus vann en Anton nálgast fall

Í Noregi var Júlíus Magnússon á sínum stað í liði Fredrikstad sem vann 1-0 gegn Sarpsborg á útivelli. Henrik Skogvold skoraði sigurmarkið í upphafi seinni hálfleiks

Fredrikstad, sem er nýliði í norsku úrvalsdeildinni, er því í fimmta sæti með 40 stig og með möguleika á að færast ofar fyrir lok leiktíðarinnar nú þegar sex umferðir eru eftir.

Anton Logi Lúðvíksson kom inn á sem varamaður á 81. mínútu hjá Haugesund sem tapaði 1-0 á heimavelli gegn Brann.

Haugesund, sem Óskar Hrafn Þorvaldsson stýrði í upphafi leiktíðar áður en hann hætti og flutti aftur heim til Íslands, er í mikilli fallhættu með aðeins 23 stig eftir 24 leiki. Liðið er enn fyrir ofan fallsætin en aðeins tveimur stigum frá botninum, og liðin þrjú fyrir neðan eiga 1-2 leiki til góða.