Uppstilling á framboðslista „ekki A-kostur“ Elín Margrét Böðvarsdóttir skrifar 14. október 2024 11:26 Kristrún Frostadóttir formaður Samfylkingarinnar gerir ráð fyrir að valið verði á framboðslista flokksins með uppröðun á lista. Vísir/Vilhelm Þótt formaður Samfylkingarinnar hafi lýst því yfir í gær að fátt annað komi til greina en að velja á framboðslista flokksins með uppstillingu hefur formleg ákvörðun um slíkt ekki verið tekin. Það er í höndum kjördæmisráðs flokksins að taka ákvörðun um fyrirkomulag við val á lista en formenn kjördæmisráða munu funda síðdegis í dag. Formaður framkvæmdastjórnar flokksins segist telja að fullur skilningur ríki fyrir því að farin verði þessa leið í ljósi þess hve stutt sé að öllum líkindum til kosninga, þótt „þetta sé ekki A-kostur.“ „Það er skammur tími til stefnu þegar svona aðstæður skapast. Það liggur beinast við að það verður að stilla upp sterkum lista um land allt. Ég á auðvitað eftir að ræða við kjördæmisráð, sem funda um slíka uppstillingu. Tímaramminn býður í raun ekki upp á annað en uppstillingu,” sagði Kristrún Frostadóttir formaður Samfylkingarinnar í samtali við fréttastofu í gær, í framhaldi af ákvörðun forsætisráðherra um að fara fram á þingrof og að boðað verði til kosninga í lok nóvember. Samkvæmt skuldbindandi reglum Samfylkingarinnar um aðferð við val á framboðslista skulu kjördæmisráð, fulltrúaráð eða aðildarfélag ákveða, í samræmi við reglur flokksins, með hvaða hætti skuli velja á framboðslista Samfylkingarinnar. „Samkvæmt 9.11 gr. laga Samfylkingarinnar skulu kjördæmisráð ákveða framkvæmd og fyrirkomulag niðurröðunar á framboðslista Samfylkingarinnar við alþingskosningar og skal valið fara fram eftir reglum sem flokksstjórn samþykkir,“ segir í reglum Samfylkingarinnar um ákvörðun um aðferð við val á framboðslista. Tillagan liggur ekki fyrir enn Unnar Jónsson er fulltrúi Norðausturkjördæmis í kjördæmisráði Samfylkingarinnar. „Tillagan liggur ekki fyrir ennþá. En ég held að ef maður horfi á dagatalið þá sé þetta bara staðan sem uppi er, hjá okkur og öðrum, það er ekkert flókið í sjálfu sér,“ segir Unnar. Ekki sé seinna vænna en að ákveða þetta á laugardag, en forseti Ísland hyggst greina frá afstöðu sinni um beiðni forsætisráðherra um þingrof síðar í vikunni. „Það er fundur formanna kjördæmisráða flokksins í dag klukkan fimm og í framhaldi af þeim fundi þá vænti ég þess að einhver ákvörðun verði tekin um hvernig menn ætla að standa að málum. Ég reikna bara með því að það verði stillt upp alls staðar, það er ekki tími í neitt annað ef að þetta þróast eins og þetta er að þróast,“ segir Eggert Valur Guðmundsson í kjördæmisráði Samfylkingarinnar í Suðurkjördæmi. Allt stefni í uppstillingu Guðmundur Ari Sigurjónsson, formaður framkvæmdastjórnar Samfylkingarinnar, tekur í svipaðan streng og formaðurinn. „Það stefnir allt í uppstillingu einfaldlega vegna þess að við höfum ekki tíma í neitt annað en uppstillingu. En við erum náttúrlega ekki komin með nákvæmar dagsetningar, nú er forsetinn búinn að segjast ætla að íhuga þessa beiðni Bjarna. Þannig við bíðum náttúrlega og sjáum hver tímalínan verður en miðað við þá tímalínu sem var talað um að það verði kosið í nóvember þá munum við fara í uppstillingu í öllum kjördæmum að öllum líkindum,“ segir Guðmundur Ari. Guðmundur Ari Sigurjónsson er oddviti Samfylkingar og óháðra á Seltjarnarnesi og formaður framkvæmdastjórnar flokksins.Vísir/Vilhelm Skipulag flokksins sé vissulega þannig að kjördæmaráðin taki endanlega ákvörðun um þetta. Kjördæmaráðum sé í sjálfvald sett að taka ákvörðun um uppröðun á lista í hverju kjördæmi fyrir sig, þannig heimild er til staðar til að nýta aðrar leiðir við val á lista, svo sem prófkjör. „En svona út frá þeim skrefum sem þarf að fara ef það á að fara í prófkjör þá er það bara ekki raunhæft,“ segir Guðmundur Ari. Þegar hafa verið boðaðir fundir með öllum kjördæmaráðunum. „Ef það breytist eitthvað þá munum við taka bara samtalið aftur við kjördæmaráðin.“ Er einhugur um þetta fyrirkomulag? „Þetta er ekki A-kostur. Þetta eru ekki þær tímalínur sem við viljum endilega viljað. En við vorum samt undir þetta búin að þetta gæti gerst þannig að í þessari stöðu þá er alla veganna fullur skilningur að ég tel,“ svarar Guðmundur Ari. Uppfært kl. 11:50 Í fyrri frétt kom fram að kjördæmisráð muni funda á laugardaginn. Nú liggur hins vegar fyrir að formenn kjördæmisráða munu funda strax í dag og hefur fréttin verið uppfærð í samræmi við það. Fréttin hefur verið uppfærð. Samfylkingin Alþingiskosningar 2024 Mest lesið Brotið á barni með því að loka það inni í einveruherbergi Innlent Öll spjót beinast að ÍBR vegna skipulagsleysis og „rugls í ræsingu“ Innlent Kraftaverk að ekki fór verr þegar bíll hafnaði ofan á tveimur Innlent Leitar kofans sem hvarf í heilu lagi Innlent Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður Skiptar skoðanir um stækkun Þjóðleikhússins Innlent Þýska velferðarríkið standi ekki lengur undir sér Erlent „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Fleiri fréttir 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Sjá meira
„Það er skammur tími til stefnu þegar svona aðstæður skapast. Það liggur beinast við að það verður að stilla upp sterkum lista um land allt. Ég á auðvitað eftir að ræða við kjördæmisráð, sem funda um slíka uppstillingu. Tímaramminn býður í raun ekki upp á annað en uppstillingu,” sagði Kristrún Frostadóttir formaður Samfylkingarinnar í samtali við fréttastofu í gær, í framhaldi af ákvörðun forsætisráðherra um að fara fram á þingrof og að boðað verði til kosninga í lok nóvember. Samkvæmt skuldbindandi reglum Samfylkingarinnar um aðferð við val á framboðslista skulu kjördæmisráð, fulltrúaráð eða aðildarfélag ákveða, í samræmi við reglur flokksins, með hvaða hætti skuli velja á framboðslista Samfylkingarinnar. „Samkvæmt 9.11 gr. laga Samfylkingarinnar skulu kjördæmisráð ákveða framkvæmd og fyrirkomulag niðurröðunar á framboðslista Samfylkingarinnar við alþingskosningar og skal valið fara fram eftir reglum sem flokksstjórn samþykkir,“ segir í reglum Samfylkingarinnar um ákvörðun um aðferð við val á framboðslista. Tillagan liggur ekki fyrir enn Unnar Jónsson er fulltrúi Norðausturkjördæmis í kjördæmisráði Samfylkingarinnar. „Tillagan liggur ekki fyrir ennþá. En ég held að ef maður horfi á dagatalið þá sé þetta bara staðan sem uppi er, hjá okkur og öðrum, það er ekkert flókið í sjálfu sér,“ segir Unnar. Ekki sé seinna vænna en að ákveða þetta á laugardag, en forseti Ísland hyggst greina frá afstöðu sinni um beiðni forsætisráðherra um þingrof síðar í vikunni. „Það er fundur formanna kjördæmisráða flokksins í dag klukkan fimm og í framhaldi af þeim fundi þá vænti ég þess að einhver ákvörðun verði tekin um hvernig menn ætla að standa að málum. Ég reikna bara með því að það verði stillt upp alls staðar, það er ekki tími í neitt annað ef að þetta þróast eins og þetta er að þróast,“ segir Eggert Valur Guðmundsson í kjördæmisráði Samfylkingarinnar í Suðurkjördæmi. Allt stefni í uppstillingu Guðmundur Ari Sigurjónsson, formaður framkvæmdastjórnar Samfylkingarinnar, tekur í svipaðan streng og formaðurinn. „Það stefnir allt í uppstillingu einfaldlega vegna þess að við höfum ekki tíma í neitt annað en uppstillingu. En við erum náttúrlega ekki komin með nákvæmar dagsetningar, nú er forsetinn búinn að segjast ætla að íhuga þessa beiðni Bjarna. Þannig við bíðum náttúrlega og sjáum hver tímalínan verður en miðað við þá tímalínu sem var talað um að það verði kosið í nóvember þá munum við fara í uppstillingu í öllum kjördæmum að öllum líkindum,“ segir Guðmundur Ari. Guðmundur Ari Sigurjónsson er oddviti Samfylkingar og óháðra á Seltjarnarnesi og formaður framkvæmdastjórnar flokksins.Vísir/Vilhelm Skipulag flokksins sé vissulega þannig að kjördæmaráðin taki endanlega ákvörðun um þetta. Kjördæmaráðum sé í sjálfvald sett að taka ákvörðun um uppröðun á lista í hverju kjördæmi fyrir sig, þannig heimild er til staðar til að nýta aðrar leiðir við val á lista, svo sem prófkjör. „En svona út frá þeim skrefum sem þarf að fara ef það á að fara í prófkjör þá er það bara ekki raunhæft,“ segir Guðmundur Ari. Þegar hafa verið boðaðir fundir með öllum kjördæmaráðunum. „Ef það breytist eitthvað þá munum við taka bara samtalið aftur við kjördæmaráðin.“ Er einhugur um þetta fyrirkomulag? „Þetta er ekki A-kostur. Þetta eru ekki þær tímalínur sem við viljum endilega viljað. En við vorum samt undir þetta búin að þetta gæti gerst þannig að í þessari stöðu þá er alla veganna fullur skilningur að ég tel,“ svarar Guðmundur Ari. Uppfært kl. 11:50 Í fyrri frétt kom fram að kjördæmisráð muni funda á laugardaginn. Nú liggur hins vegar fyrir að formenn kjördæmisráða munu funda strax í dag og hefur fréttin verið uppfærð í samræmi við það. Fréttin hefur verið uppfærð.
Samfylkingin Alþingiskosningar 2024 Mest lesið Brotið á barni með því að loka það inni í einveruherbergi Innlent Öll spjót beinast að ÍBR vegna skipulagsleysis og „rugls í ræsingu“ Innlent Kraftaverk að ekki fór verr þegar bíll hafnaði ofan á tveimur Innlent Leitar kofans sem hvarf í heilu lagi Innlent Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður Skiptar skoðanir um stækkun Þjóðleikhússins Innlent Þýska velferðarríkið standi ekki lengur undir sér Erlent „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Fleiri fréttir 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Sjá meira