Byrjunarliðin í úrslitaleiknum: Oliver Ekroth mættur aftur og Nikolaj Hansen byrjar

Ágúst Orri Arnarson skrifar 27. október 2024 17:33

Aron Bjarnason og Karl Friðleifur Gunnarsson eru báðir í byrjunarliðum. vísir / diego

Víkingi dugir jafntefli en Breiðablik þarf sigur í viðureign liðanna í kvöld, úrslitaleiknum um Íslandsmeistaratitilinn. Þjálfararnir Arnar Gunnlaugsson og Halldór Árnason hafa skipað byrjunarliðin.

Víkingur

Arnar Gunnlaugsson gerir tvær breytingar frá leiknum gegn Cercle Brugge á fimmtudag.

Oliver Ekroth er snúinn aftur úr meiðslum og kemur inn í liðið fyrir Halldór Smára sem er meiddur.

Auk þess kemur Nikolaj Hansen inn fyrir Viktor Örlyg Andrason og leikskipulagið breytist aðeins.

Á varamannabekk Víkings má finna Matthías Vilhjálmsson, Óskar Örn Hauksson, Viktor Örlyg Andrason, Jón Guðna Fjóluson, Davíð Örn Atlason, Helga Guðjónsson og markmanninn Pálma Rafn Arinbjörnsson.

Byrjunarliðið

Ingvar Jónsson, markvörður
Karl Friðleifur Gunnarsson, hægri bakvörður
Oliver Ekroth, miðvörður
Gunnar Vatnhamar, miðvörður
Tarik Ibrahimagic, vinstri bakvörður
Gísli Gottskálk Þórðarson, miðjumaður
Aron Elís Þrándarson, miðjumaður
Erlingur Agnarsson, framliggjandi miðjumaður
Ari Sigurpálsson, framliggjandi miðjumaður
Danijel Dejan Djuric, framliggjandi miðjumaður
Nikolaj Hansen, framherji

Oliver Ekroth fór meiddur af velli í leik gegn Stjörnunni þann 6. október síðastliðinn.Vísir / Hulda Margrét

Breiðablik

Halldór Árnason hefur fundið sitt sterkasta lið og spilað því óbreyttu í síðustu leikjum.

Kristinn Steindórsson og Kristófer Ingi Kristinsson eru vanalega fyrstu menn inn af varamannabekknum en það fer auðvitað allt eftir þróun leiksins.

Auk þeirra tveggja eru Patrik Johannesen, Benjamin Stokke, Oliver Sigurjónsson, Daniel Obbekjær og markmaðurinn Brynjar Atli Bragason á bekknum.

Byrjunarliðið

Anton Ari Einarsson, markvörður
Andri Rafn Yeoman, hægri bakvörður
Damir Muminovic, miðvörður
Viktor Örn Margeirsson, miðvörður
Kristinn Jónsson, vinstri bakvörður
Arnór Gauti Jónsson, miðjumaður
Viktor Karl Einarsson, miðjumaður
Höskuldur Gunnlaugsson, miðjumaður
Aron Bjarnason, hægri vængmaður
Davíð Ingvarsson, vinstri vængmaður
Ísak Snær Þorvaldsson, framherji

Leikur Víkings og Breiðabliks fer fram á Víkingsvelli klukkan 18:30 í dag og verður sýndur beint á Stöð 2 Sport. Upphitun hefst klukkan 17:45. Eftir leikinn verður Besta deild karla svo gerð upp í lokaþætti Stúkunnar. Veglega umfjöllun Vísis má finna í vaktinni hér fyrir neðan.

Besta deild karla Víkingur Reykjavík Breiðablik

Mest lesið

Fleiri fréttir