Perlan þurfi að seljast fyrir áramót svo dæmið gangi upp Árni Sæberg skrifar 5. nóvember 2024 12:14 Hildur Björnsdóttir er oddviti Sjálfstæðisflokks í borgarstjórn. Vísir/Ívar Fannar Borgarstjórnarflokkur Sjálfstæðisflokksins gefur lítið fyrir yfirlýsingar meirihlutans um rekstrarafgang og vel heppnað aðhald í rekstri borgarinnar. Hálfs milljarðs væntur rekstrarafgangur skýrist alfarið af sölu Perlunnar, sem þurfi að fara fram fyrir áramót. „Í dag á að bera á borð fyrir okkur þá tálsýn að borgin sé ekki lengur rekin með halla. Það sem meirihlutinn hins vegar forðast að nefna, og kom raunar ekki fram í dagsljósið fyrr en eftir ítrekaðar fyrirspurnir mínar, að allt hangir þetta á þeirri óskhyggju að Perlan seljist fyrir áramót“, er haft eftir Hildi Björnsdóttur, oddvita Sjálfstæðisflokksins í borgarstjórn, í fréttatilkynningu um frumvarp að fjárhagsáætlun Reykjavíkurborgar. Hálfur milljarður í afgang Frumvarpið er lagt fram í borgarstjórn til fyrri umræðu í dag. Samkvæmt útkomuspá mun rekstrarafgangur ársins í ár vera rúmlega hálfur milljarður króna og á næsta ári um 1,7 milljarðar króna. Rétt að staldra við „Borgarstjóri, Einar Þorsteinsson, segir umfangsmiklar hagræðingaraðgerðir helstu ástæðu þess að rekstrinum hafi nú verið snúið til betri vegar. Það er rétt að staldra aðeins við þær fullyrðingar,“ er haft eftir Hildi. Borgarstjóri hafi fyrir tveimur árum boðað einar mestu hagræðingaraðgerðir frá hruni. Hagræðingarkrafa hafi verið sett á öll svið, þeim gert að draga úr launakosnaði og nýjar ráðningarreglur innleiddar svo stemma mætti stigu við starfsmannafjölgun. „En var þessu fylgt eftir? Þegar tölurnar eru rýndar kemur í ljós að launakostnaður jókst um 7,2 milljarða milli ára og rekstrarkostnaður sömuleiðis um 5,3 milljarða. Starfsfólki hélt jafnframt áfram að fjölga, einna helst í yfirbyggingunni. Hvaðan sækir Einar þá viðsnúninginn? Hvar eru þessar sögulegu hagræðingar?“, spyr Hildur. Ráðast þurfi í hagræðingar Tekjur borgarinnar hefðu hækkað um 17,3 milljarða milli ára. Vandi borgarinnar væri því ekki tekjuvandi, enda hafi tekjur borgarinnar aukist stöðugt undanliðinn áratug. Vandinn væri mun fremur útgjaldavandi. Starfsmannafjöldi og rekstrarkostnaður hefðu aukist langt umfram lýðfræðilega þróun síðasta áratug. Fullyrðingar borgarstjóra um sögulegar hagræðingar standist því enga skoðun. Hér hafi engu verið hagrætt nema sannleikanum. „Arðgreiðslur, tekjur af sölu byggingarréttar og ætlaður hagnaður af sölu Perlunnar nema 12,4 milljörðum króna í útkomuspá fyrir 2024. Ef þessara tekna nyti ekki við væri niðurstaðan af rekstri borgarinnar um 11,8 milljarða halli! Það blasir við að rekstur borgarinnar er fullkomlega ósjálfbær. Það er löngu tímabært að horfast í augu við vandann. Við þurfum að ráðast í hagræðingar, minnka yfirbygginguna og hefja skipulega niðurgreiðslu skulda. Samhliða þarf að útvista fleiri verkefnum og láta af samkeppnisrekstri. Einungis þannig náum við böndum á stjórnlausum rekstri.“ Starfsmönnum fjölgi Hildur bendir í annarri fréttatilkynningu á að í fjárhagsáætlun Reykjavíkurborgar fyrir árið 2025 sé gert ráð fyrir 35% aukningu launakostnaðar á þróunar- og nýsköpunarsviði borgarinnar. Fyrirhugað sé að fjölga starfsfólki sviðsins um 36 talsins á næsta ári og muni þá starfa á sviðinu 138 manns. Í heild muni starfa 186 einstaklingar við stafræna umbreytingu borgarinnar. „Borgin rekur langstærsta hugbúnaðarhús landsins og ástæða er til að staldra við. Þessi verkefni þarf að bjóða út í mun meiri mæli,“ segir Hildur.. Oddvitaumræður í borgarstjórn um fjárhagsáætlun Reykjavíkurborgar fyrir árið 2025 og fjármálastefnu Reykjavíkurborgar fyrir tímabilið 2025 til 2029 fóru fram í dag. Í umræðum rakti Hildur jafnframt hvernig starfsmannafjöldi A-hluta hafi aukist yfir fimm ára tímabil um 25%. Í ræðu hennar kom fram að í árslok 2022 hafi starfað 11.703 einstaklingar innan A-hluta borgarinnar, en þeir hafi verið 9.346 árið 2017. „Starfsmönnum borgarinnar fjölgaði langt umfram lýðfræðilega þróun en yfir sama tímabil fjölgaði íbúum borgarinnar aðeins um 10%. Þetta er varhugaverð þróun og birtingarmynd af bæði ofvöxnu kerfi og slæmum rekstri,“ sagði Hildur í umræðum. Hún rifjaði upp yfirlýsingar Einars Þorsteinssonar, borgarstjóra, um að framundan væru einhverjar mestu hagræðingaraðgerðir frá hruni. Meirihlutinn hafi ákveðið að hagræða í launakostnaði og fækka stöðugildum. „Þau settu sér meira að segja sérstaka stefnu um það sjálfsagða mál að ráða ekki í ónauðsynleg störf. Það fer ekki saman hljóð og mynd hjá þessum meirihluta, enda hefur starfsmönnum ekki fækkað heldur þvert á móti fjölgað síðustu ár. Útgjaldaþenslan er hömlulaus og enginn vilji innan meirihlutans til að grípa í handbremsuna.“ Dóra Björt Guðjónsdóttir, oddviti Pírata í borgarstjórn, segir ekki rétt að starfsfólki þjónustu- og nýsköpunarsviðs sé að fjölga. „Þeim hefur fækkað undanfarið ár. Það er hinsvegar verið að færa hluta af starfseminni úr fjárfestingu í rekstur. ÞON var með rúmlega 200 stöðugildi við lok síðasta árs. Nú eru þau um 170 en þar af eru 138 í rekstri. Þeim hefur því fækkað um rúmlega 30 á þessu ári,“ segir Dóra Björt. Fréttin var uppfærð með tilkynningu Sjálfstæðisflokksins varðandi starfsmannafjölda og athugasemd borgarfulltrúa Pírata. Borgarstjórn Reykjavík Rekstur hins opinbera Salan á Perlunni Mest lesið Inga endurvekur 25 metra regluna Innlent Heimurinn undrist villimennsku Íslendinga Innlent „Ég vil fá að ráða hvar ég slátra og hverja ég er í viðskiptum við“ Innlent Hrottalegu ofbeldi lýst í ákæru á hendur Stefáni, Lúkasi og Matthíasi Innlent Vaktin: Ekta sumarhret leikur landann grátt Veður Stöðvaði miðasölu um leið og hann áttaði sig á stöðu mála Innlent Musk hraunar yfir „stórt og fallegt“ frumvarp Trumps Erlent „Auddi, Steindi og Egill voru í markaðsmálum“ Innlent Fundaði með borginni: „Hef upplifað ýmislegt en aldrei svona grimmd“ Innlent Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent Fleiri fréttir Segir ljóst að Víðir hafi brotið stjórnsýslulög: „Það er verið að kaupa sér vinsældir“ Ætlar að gera allt í sínu valdi til að tryggja rekstur Kaffistofunnar Fádæma úrhelli á Ólafsfirði Hildur er nýr formaður Almannaheilla Loka kaffiskúrnum umtalaða við Leifsstöð Öryggismál að eiga reiðufé heima fyrir „ef í harðbakkann slær“ Um 100 skemmtiferðaskip í Vestmannaeyjum í sumar „Auðvitað bregður fólki“ Ríkið keypti nýjan sendiherrabústað á 750 milljónir Hlutfall barna sem beitti foreldra eða skylda ofbeldi tvöfaldaðist Strandveiðimenn huga að samstöðufundi við Austurvöll Tilkynningum um heimilisofbeldi fjölgar og endurfrumsýning Brúðubílsins Skemmtiferðaskipi snúið vegna vinds „Djöflablístur“ stafi líklega af svölum nýbygginga Stöðvaði miðasölu um leið og hann áttaði sig á stöðu mála Hrottalegu ofbeldi lýst í ákæru á hendur Stefáni, Lúkasi og Matthíasi Tvöfalt fleiri Parkinson-sjúklingar eftir fimmtán ár Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Bílastæðið rifið upp með rótum Hlýjasti maímánuður á landinu frá upphafi mælinga „Ég vil fá að ráða hvar ég slátra og hverja ég er í viðskiptum við“ Krefur Ríkisútvarpið um leiðréttingu Ekki ólíklegt að þingið fari nokkra daga fram yfir „Hef mikinn skilning á því að Víðir hafi gert þetta“ Horft til tillagna um að minni fyrirtæki verði undanskyld jafnlaunavottun Heimurinn undrist villimennsku Íslendinga Sjá meira
„Í dag á að bera á borð fyrir okkur þá tálsýn að borgin sé ekki lengur rekin með halla. Það sem meirihlutinn hins vegar forðast að nefna, og kom raunar ekki fram í dagsljósið fyrr en eftir ítrekaðar fyrirspurnir mínar, að allt hangir þetta á þeirri óskhyggju að Perlan seljist fyrir áramót“, er haft eftir Hildi Björnsdóttur, oddvita Sjálfstæðisflokksins í borgarstjórn, í fréttatilkynningu um frumvarp að fjárhagsáætlun Reykjavíkurborgar. Hálfur milljarður í afgang Frumvarpið er lagt fram í borgarstjórn til fyrri umræðu í dag. Samkvæmt útkomuspá mun rekstrarafgangur ársins í ár vera rúmlega hálfur milljarður króna og á næsta ári um 1,7 milljarðar króna. Rétt að staldra við „Borgarstjóri, Einar Þorsteinsson, segir umfangsmiklar hagræðingaraðgerðir helstu ástæðu þess að rekstrinum hafi nú verið snúið til betri vegar. Það er rétt að staldra aðeins við þær fullyrðingar,“ er haft eftir Hildi. Borgarstjóri hafi fyrir tveimur árum boðað einar mestu hagræðingaraðgerðir frá hruni. Hagræðingarkrafa hafi verið sett á öll svið, þeim gert að draga úr launakosnaði og nýjar ráðningarreglur innleiddar svo stemma mætti stigu við starfsmannafjölgun. „En var þessu fylgt eftir? Þegar tölurnar eru rýndar kemur í ljós að launakostnaður jókst um 7,2 milljarða milli ára og rekstrarkostnaður sömuleiðis um 5,3 milljarða. Starfsfólki hélt jafnframt áfram að fjölga, einna helst í yfirbyggingunni. Hvaðan sækir Einar þá viðsnúninginn? Hvar eru þessar sögulegu hagræðingar?“, spyr Hildur. Ráðast þurfi í hagræðingar Tekjur borgarinnar hefðu hækkað um 17,3 milljarða milli ára. Vandi borgarinnar væri því ekki tekjuvandi, enda hafi tekjur borgarinnar aukist stöðugt undanliðinn áratug. Vandinn væri mun fremur útgjaldavandi. Starfsmannafjöldi og rekstrarkostnaður hefðu aukist langt umfram lýðfræðilega þróun síðasta áratug. Fullyrðingar borgarstjóra um sögulegar hagræðingar standist því enga skoðun. Hér hafi engu verið hagrætt nema sannleikanum. „Arðgreiðslur, tekjur af sölu byggingarréttar og ætlaður hagnaður af sölu Perlunnar nema 12,4 milljörðum króna í útkomuspá fyrir 2024. Ef þessara tekna nyti ekki við væri niðurstaðan af rekstri borgarinnar um 11,8 milljarða halli! Það blasir við að rekstur borgarinnar er fullkomlega ósjálfbær. Það er löngu tímabært að horfast í augu við vandann. Við þurfum að ráðast í hagræðingar, minnka yfirbygginguna og hefja skipulega niðurgreiðslu skulda. Samhliða þarf að útvista fleiri verkefnum og láta af samkeppnisrekstri. Einungis þannig náum við böndum á stjórnlausum rekstri.“ Starfsmönnum fjölgi Hildur bendir í annarri fréttatilkynningu á að í fjárhagsáætlun Reykjavíkurborgar fyrir árið 2025 sé gert ráð fyrir 35% aukningu launakostnaðar á þróunar- og nýsköpunarsviði borgarinnar. Fyrirhugað sé að fjölga starfsfólki sviðsins um 36 talsins á næsta ári og muni þá starfa á sviðinu 138 manns. Í heild muni starfa 186 einstaklingar við stafræna umbreytingu borgarinnar. „Borgin rekur langstærsta hugbúnaðarhús landsins og ástæða er til að staldra við. Þessi verkefni þarf að bjóða út í mun meiri mæli,“ segir Hildur.. Oddvitaumræður í borgarstjórn um fjárhagsáætlun Reykjavíkurborgar fyrir árið 2025 og fjármálastefnu Reykjavíkurborgar fyrir tímabilið 2025 til 2029 fóru fram í dag. Í umræðum rakti Hildur jafnframt hvernig starfsmannafjöldi A-hluta hafi aukist yfir fimm ára tímabil um 25%. Í ræðu hennar kom fram að í árslok 2022 hafi starfað 11.703 einstaklingar innan A-hluta borgarinnar, en þeir hafi verið 9.346 árið 2017. „Starfsmönnum borgarinnar fjölgaði langt umfram lýðfræðilega þróun en yfir sama tímabil fjölgaði íbúum borgarinnar aðeins um 10%. Þetta er varhugaverð þróun og birtingarmynd af bæði ofvöxnu kerfi og slæmum rekstri,“ sagði Hildur í umræðum. Hún rifjaði upp yfirlýsingar Einars Þorsteinssonar, borgarstjóra, um að framundan væru einhverjar mestu hagræðingaraðgerðir frá hruni. Meirihlutinn hafi ákveðið að hagræða í launakostnaði og fækka stöðugildum. „Þau settu sér meira að segja sérstaka stefnu um það sjálfsagða mál að ráða ekki í ónauðsynleg störf. Það fer ekki saman hljóð og mynd hjá þessum meirihluta, enda hefur starfsmönnum ekki fækkað heldur þvert á móti fjölgað síðustu ár. Útgjaldaþenslan er hömlulaus og enginn vilji innan meirihlutans til að grípa í handbremsuna.“ Dóra Björt Guðjónsdóttir, oddviti Pírata í borgarstjórn, segir ekki rétt að starfsfólki þjónustu- og nýsköpunarsviðs sé að fjölga. „Þeim hefur fækkað undanfarið ár. Það er hinsvegar verið að færa hluta af starfseminni úr fjárfestingu í rekstur. ÞON var með rúmlega 200 stöðugildi við lok síðasta árs. Nú eru þau um 170 en þar af eru 138 í rekstri. Þeim hefur því fækkað um rúmlega 30 á þessu ári,“ segir Dóra Björt. Fréttin var uppfærð með tilkynningu Sjálfstæðisflokksins varðandi starfsmannafjölda og athugasemd borgarfulltrúa Pírata.
Borgarstjórn Reykjavík Rekstur hins opinbera Salan á Perlunni Mest lesið Inga endurvekur 25 metra regluna Innlent Heimurinn undrist villimennsku Íslendinga Innlent „Ég vil fá að ráða hvar ég slátra og hverja ég er í viðskiptum við“ Innlent Hrottalegu ofbeldi lýst í ákæru á hendur Stefáni, Lúkasi og Matthíasi Innlent Vaktin: Ekta sumarhret leikur landann grátt Veður Stöðvaði miðasölu um leið og hann áttaði sig á stöðu mála Innlent Musk hraunar yfir „stórt og fallegt“ frumvarp Trumps Erlent „Auddi, Steindi og Egill voru í markaðsmálum“ Innlent Fundaði með borginni: „Hef upplifað ýmislegt en aldrei svona grimmd“ Innlent Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent Fleiri fréttir Segir ljóst að Víðir hafi brotið stjórnsýslulög: „Það er verið að kaupa sér vinsældir“ Ætlar að gera allt í sínu valdi til að tryggja rekstur Kaffistofunnar Fádæma úrhelli á Ólafsfirði Hildur er nýr formaður Almannaheilla Loka kaffiskúrnum umtalaða við Leifsstöð Öryggismál að eiga reiðufé heima fyrir „ef í harðbakkann slær“ Um 100 skemmtiferðaskip í Vestmannaeyjum í sumar „Auðvitað bregður fólki“ Ríkið keypti nýjan sendiherrabústað á 750 milljónir Hlutfall barna sem beitti foreldra eða skylda ofbeldi tvöfaldaðist Strandveiðimenn huga að samstöðufundi við Austurvöll Tilkynningum um heimilisofbeldi fjölgar og endurfrumsýning Brúðubílsins Skemmtiferðaskipi snúið vegna vinds „Djöflablístur“ stafi líklega af svölum nýbygginga Stöðvaði miðasölu um leið og hann áttaði sig á stöðu mála Hrottalegu ofbeldi lýst í ákæru á hendur Stefáni, Lúkasi og Matthíasi Tvöfalt fleiri Parkinson-sjúklingar eftir fimmtán ár Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Bílastæðið rifið upp með rótum Hlýjasti maímánuður á landinu frá upphafi mælinga „Ég vil fá að ráða hvar ég slátra og hverja ég er í viðskiptum við“ Krefur Ríkisútvarpið um leiðréttingu Ekki ólíklegt að þingið fari nokkra daga fram yfir „Hef mikinn skilning á því að Víðir hafi gert þetta“ Horft til tillagna um að minni fyrirtæki verði undanskyld jafnlaunavottun Heimurinn undrist villimennsku Íslendinga Sjá meira
Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent
Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent