Gleðin var við völd í Víkingsheimilinu í Safamýri liðna helgi.
Mikil gleði og stemning var á Kvennakvöldi Víkings í Safamýrinni síðastliðið laugardagskvöld. Færri komust að en vildu en uppselt varð á viðburðinn.
Listakonan Þórdís Björk Þorfinnsdóttir stýrði veisluhöldunum og hinu árlega happdrætti. Júlí Heiðar Halldórsson, tónlistarmaður og unnusti Þórdísar, var leynigestur kvöldsins og reif gesti kvöldsins á dansgólfið.
DJ Kobbi CoCo sá svo um að halda stuðinu gangandi fram á nótt. Á boðstólnum voru veitingar frá Múlakaffi.
Það má með sanni segja að Víkingskonur kunni að halda gott partí.
