Sjáðu stikluna: Zellweger, Firth og Grant öll í nýjustu Bridget Jones

Þessarar rómantísku gamanmyndar er að vænta í febrúar á þessu ári, en myndin mun bera titilinn Bridget Jones: Mad About the Boy.

Í stiklunni sést Renée Zellweger enn og aftur í hlutverki titilpersónunnar Bridget Jones. Þá koma bresku hjartaknúsararnir Colin Firth og Hugh Grant báðir fyrir, en þeir hafa farið með hlutverk Mark Darcy og Daniel Cleaver, elskhuga aðalpersónunnar.

Jafnframt mun Emma Thompson snúa aftur sem Dr. Rawling.

Kvikmyndirnar byggja á skáldsögum Helen Fielding. Þessi nýjasta mynd mun byggja á sögu Fielding frá árinu 2013, en sú ber einmitt titilinn Mad About the Boy.