Amorim tók formlega til starfa hjá United á mánudaginn. Flestir leikmanna liðsins eru í landsliðsverkefnum og því getur Portúgalinn lítið látið til sín taka á æfingasvæðinu.
Hann hefur samt nýtt tímann síðan hann kom til Englands í ýmislegt. Í gær heimsótti hann til að mynda nýja heimavöllinn sinn, Old Trafford.
Amorim fór meðal annars inn í búningsklefa United þar sem hann hitti stuðningsmenn liðsins sem voru þar í skoðunarferð.
Amorim tók í spaðann á stuðningsmönnunum og stillti sér upp fyrir myndatökur. Kveðjuorð hans um að United væri besta félag í heimi mæltust svo vel fyrir hjá stuðningsmönnunum sem voru svo heppnir að hitta nýja stjórann.
Man Utd fans were in for a surprise at Old Trafford today as new head coach Ruben Amorim made an appearance! 👀pic.twitter.com/OgrQQYT0JD
— Premier League (@premierleague) November 14, 2024
Amorim stýrir United í fyrsta sinn þegar liðið sækir nýliða Ipswich Town heim sunnudaginn 24. nóvember.