Rannsókn lögreglunnar á stunguárás við Skúlagötu í Reykjavík, sem átti sér stað á Menningarnótt, 24. ágúst síðastliðinn, er lokið. Lögregla hefur sent gögn málsins til Héraðssakóknara.
Hin sautján ára gamla Bryndís Klara Birgisdóttir lést eftir árásina og tvö önnur ungmenni særðust. Sextán ára piltur er grunaður um árásina.
Eiríkur Valberg, lögreglufulltrúi hjá miðlægri deild lögreglunnar, staðfestir í samtali við fréttastofu að málið hafi verið sent til héraðssaksóknara. Mbl.is greindi fyrst frá.
Að sögn Eiríks er pilturinn enn í gæsluvarðhaldi.
Bryndís Klara Birgisdóttir hafði hlýja nærveru, var augasteinn foreldra sinna og ömmu- og afabarn af bestu gerð. Góð vinkona, sönn og heil.
Lögregla telur sig vera komna með skýra mynd af atburðum á Skúlagötu á menningarnótt, þegar sautján ára stúlka varð fyrir stunguárás sem dró hana til dauða.
