Daníel hefur verið mikið meiddur og missti af öllu tímabilinu vegna bakmeiðsla. Hann sýndi aftur á móti hvað hann getur í dag í 5-2 sigri Malmö á Torslanda IK í annarri umferð sænsku bikarkeppninnar.
Daníel skoraði þrennu í leiknum og stuðningsmenn Malmö sungu nafnið hans í lokin. Draumadagur hjá þessum átján ára framherja.
Þetta voru þrjú fyrstu mörkin hans fyrir félagið.
🎩 Daniel Gudjohnsen stod idag för sitt första, andra och tredje A-lags mål i tävlingssammanhang för Malmö FF. pic.twitter.com/maDf5i9p8q
— Malmö FF (@Malmo_FF) December 1, 2024
Úrslitin réðust í framlengingu eftir að staðan var 2-2 eftir venjulegan leiktíma.
Daníel kom Malmö í 2-1 á 88. mínútu en Torslanda jafnaði metin í uppbótatíma.
Íslenski framherjinn skoraði síðan tvívegis í framlengingunni eða á 93. og 112. mínútu.
Isaac Kiese Thelin skoraði fyrsta mark Malmö úr víti á 54. mínútu og síðasta markið skoraði Søren Rieks í lok framlengingarinnar.
